منتديات المرقاب الأدبية - عرض مشاركة واحدة

19-01-2006, 04:49 PM

.
...
......
؛؛؛؛؛؛؛؛؛؛؛؛؛؛
اللــه اللــه
يــابــو حمــــد؛؛
.
..
......
وتــراني توني ادري عن هالموضــوع الحــلو...
ولا اني داري كــان مشبعكــــم من هالطعــــات...
.
..
......
وهذي طعة " تماتيك " لأن صاحبها مايكتفي بطعة وحدة فالمجلس .
صاحبنا هذا من نوعية العالم المربوشة " اللي تقلب الهرج وهي تمشي 2000 "
في مرة من " تماتيكاتة " كان قي مجلس ومن حظة الشين كان فالمجلس " شايب " يدقق في كل شي حتى عدد " فذات تمر القدوع "
المهم رفيقنا ابو تماتيك يسولف وجاء يبي يتزرى على واحد وقال :
" ياشين البقرة على السرج " طبعاً قصدة العكس ! لكن لقطة الشايب وعاين فية بعين مضمومة والاخرى مفتوحة واشر بأصبعينة السبابة والوسطي وقلب بعضهن على بعض يعني عدل بقرتة وسرجها . فطن لة رفيقنا وعدل .
وبعد شوي وتجي سالفة ويدخل فيها رفيقنا ويجي يبي يقول " أن رفعتها فالشارب وان طمنتها فاللحية " ويقلبها الى " ان رفعتها فاللحية وان طمنتها فالشارب "
طبعاً مافاتت على جمركة الشايب اللي اشر بأصابعة يعني " أقلب الله يصلحك ".
قلب رفيقنا وصلح غلطتة . واستمر المجلس وتجي سالفة ويزرقها رفيقنا برأي خطير ويقول " هذا زاد البلة طينة " . لقطة الشايب للمرة الثالثة واشر لة بأصابعة يعني
" أقلب الله يدبل تسبدك " وكنة يقول لة " أبك انت ماتعرف تهرج " .
قلب رفيقنا السالفة وقال ياشايب الرحمن انت علامك عاقبتني عند كلمة ؟؟
عصب الشايب وقال انت ماتعرف تهرج وسالفتك لاجيت " تعميها كحلتها "
ضحك رفيقنا وقلب أصابعة للشايب . وفطن الشايب لكنة ماعدل سالفتة واكتفى بأنة ضف بشتة وسرا . ....
...
..
.