شرّفني ابو محمد .. الشاعر الكبير / سلطان بن وسام
بقصيده موجّه لي على الرابط هذا

الحصيّـن وهدهد سبا


اتمنى ان يجملني ردي المتواضع


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
توْني دريت ان منت من الاشراف .. يا نور الشريف = حتى لو تصلي صلاة الفرض في مسجد قبا
لكن يا سلطان بن وسام ابو دمٍ خفيف = وش قصة اللي كل ما ثارت .. تثوّر فالخبا
لو البروق اللي على متن السحاب .. بروق صيف = ما كان سال السيل فالوديان ثم وصل الزبا
دام الجمل ما حك راسه غير في راس الرديف = يرضيك مني ياسلام .. ويقنعك يا مرحبا
والشجره اللي غصنها متعدّي الضلع المنيف = ما تنمو .. الا كل ما هبّت ذعاذيع الصبا
اهل النجف تلطم مثل ما يلطمون اهل القطيف = احدٍ على وضح النقا ، واحدٍ يدوّر للغبا
واحدٍ على قمة جبل ، واحدٍ على حيد الرصيف = واحدٍ من الضحكه غشا ، واحدٍ من همومه ربا
ربّع .. ورى روضة خريم ولاتفكر في جنيف= واليا غزاك الشيب سلّم لي على ايام الصبا![/poem]

khalid@mergab.com