،
من منطلق تحليل وجهات الأنظـار
كل ٍ يفسّـر مـا تشوفـه عيونـه
.
.
فـالموقف البارد وفـالموقف الحار
للصـدق وجـه ٍ بيّـض الله لونـه
.
.
لكن على ماقيل .. شبّابـة النـار
تقلـب معاييـر البـروده سخونـه
.
.
في منتدى المرقاب شعّـن الأنـوار
وبين الرواسي ما تزحزح ركونـه
.
.
مدام في راسـه مواكيـر الأحـرار
والله ليفنـى مـا تجيـه المهونـه
.
.
على المواقع كلّهـا سوبـر ستـار
وتكرم عن التشبيه جملـة فنونـه
.
.
تصدّر التصنيف في نـوع الأشعـار
يصنّف أهـل الشعـر ويصنّفونـه
.
.
يا جامع النخبه من اعضـاء وزوّار
الحـق توفيـه الرجـال وتصونـه
.
.
على النقا سباّق في كـل مضمـار
زبون من يرفـع مقامـه زبونـه
.
.
غالي وله قيمه وحشمـه ومقـدار
اللي عليه الحـب يضفـي ردونـه
.
.
يشهد عليه إصدار وإصدار وإصدار
ولا همّه اللـي عقبهـا يجحدونـه
.
.
ولاهو لحاله بين وافيـن الأشبـار
ترفـرف الأعـلام خلفـه ودونـه
.
.
والحق يظهر يا طويليـن الأعمـار
لو بعضكم مـا ودّهـم يظهرونـه
.
.
اللي يغـط النـور خايـن وغـدّار
يضحك وراسه ناشبٍ فـي متونـه
.
.
بالسمن يدهن لحية ٍ مالهـا كـار
وان جات شمطا لا تروح أمحسونه
.
.
هذا الكلام المعتمـد سـرّ وإجهـار
من خاطر اللي هاجسه ما يخونـه
.
.
يا كاتب الموضوع فـأهم الأخبـار
أكتب عن المرقـاب مالـه نمونـه
موهبة أصيله من شاعر علم ونستفيد من متابعته
الله الله الله الله
ياسلام ياسلام ياسلام
شكرا للشاعر القدير الاستاذ سداح على ذا القصيده الراعئة التي تحمل معاني غامضة وملبسة بالقدرة الشعرية
شاعر يعرف كيف يبطن المعنى وله باعن طويل بالشعر والحكمة ولا نستغرب من استاذنا ومنه نستفيد
تقبل تحياتي وتقديري
أخوك حسين الدوسري
|