عناد النفيعي

من قبل لا اقراك ياسـداح محتـاره
من هامة الراس لين اقـدام رجليـه

بس التفت في يمين الطرس ويساره
من هول ماصابني قمت افرك ايديـه

موجات مخي تلاذع وانطفت (نـاره)
وهي قبل لا تصيـر الفاجعـة حيـه

لكن غلي الكـلام وغليـت اسعـاره
من شاعرِ كلمته ميـه علـى ميـه

شاعر حدث متزن معنـاه وافكـاره
كتـب وترجـم مشاكلنـا الحقيقـه

للحين حنـا علـى مـوال ياجـاره
اطـلال واحـزان ومعانـاة وهميـه

للحين حنـا ياليلـى علمـي سـاره
انا ابن اكابر وهي جيكـر وفقريـه

اسرا المدارك بهذا العصر وابهـاره
نمـدح ديانـا ونلعـن جـد بدريـه

هذاه حال الشعـر واحـوال شعـاره
البعض منهم قِطع شعـره وطاريـه

الامه بحال مزري يصعـب انكـاره
المـوت مجتاحهـا والقـوم افنديـه

اشوى ماقلوا رقد واركى على الطاره
سواق رحلة سفين الموت . عاديـه

هي حادثه عارضه ياحيهـا بشـاره
لكن على ميـن مكتوبـه ومقريـه

(من ريّس الدوله إليا عمدة الحـاره
الشعب محروم والسلطـه حراميّـه)

راحت سفينه وبـاص وراح طيـاره
راحت دول بين ضرس الكذب والحيه

الله .. الله .. الله ..

بنت هوازن ..


ابداع

صدى لايقل روعة ً وابداعاً عن الصدى ..

صح لسانك ..

وسلامي عليكـ ..

.




ss15s1@hotmail.com