[poet font="Arabic Transparent,4,black,normal,normal" bkcolor="transparent" bkimage="backgrounds/3.gif" border="solid,4,gray" type=0 line=200% align=center use=ex length=0 char="" num="0,black" filter=""]
أحبتي رواد هذا المنتدى

أهدي لكم هذا النزف

آملاً أن يكون في المستوى


كل طاري من طواريها هلا وأهلابه = مرحبـا بالطـاري اللي ينشرح له بالــي
كل مايطري علي من البطى وغيابــه = كـن مابالكـون كلــه مالكـه بلحالـي
ياهلا يامرحبا يابنت ياجذابــه = يـم ذا العنـق الطـويل وجـادلك ميـالـي
ياعنود الصيد ياريم الفلا والغابـــه = ياشبيه البـدر ياشخـصٍ سكــن بقبالـي
قربي يابنت وأنتي للعمـر طلابــه = فدوتك كـل العمــر هالأولـي والتـالـي
وإن طلتيني النظر مقدر عليه آهابـه = كيف أشوفك وانتي اللي شوفتـك تهنـالـي
شوفتك تجلي همومٍ بالحشى غلابـه = تبعــد أحـزانـي وأجدد في لقاك آمالـي
إن سكنتي بالحشى كن الحشى يغدابه = وإن سكنتـي فـي صميم القلـب واعزالـي
والله انك للحشى يابنت اغلى أصحابه = والله انك فـي وسـط قلبـي مكانك عالـي
أعشقك عشقٍ غريب وماعرفت أسبابه = هو جمالك هـو دلالك هـو ارادت والـي
الغلا من عند ربـي والالـه أدرابـه = وأنتي اللــي مالكـه كل الغـلا والغالـي
يابعد كل البشـر حبـك لبست ثيابـه = ثوب ثـوب وكـل ثوبٍ ألبسـه يزهالـي
شاربٍ حبك وأنا ضامي وأنا صبابـه = ولا رويت من العطش والماء قراح زلالـي
شفت فيك الزين كله والغلا متشابـه = شفت فيك الحـب كلـه والحلـو والحالـي
كم كتبتك ياحياتي بالهوى وكتابــه = كم رسمتك صورةٍ فـي داخلـي تحلالــي
ياحياتي جاك قلبي فاتحٍ لك بابـــه = إستريحي داخلــه في الحـل والترحالـي
إستريحي في وسط قلب فدى لحبابـه = مفتـديهــم بالعمــر الأولـي والتالـي


أخوكم
أحمد الذيابي

[/poet]

ss93ss@hotmail.com