أرحبي ياميثااااااء بس لاتعصبين علينا ههههههههههههه
سم سم هذا طلبك بس القصيده الاولى اعتبري القايده اللــي جابتها مايصير اشوفها اتقول ماااعرف واخليها المهم القصيده الاولى القايده اللــي جابتها..
يقول سليمان الهويدي
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاواهـني الي رصـيده ملايـين "="وامضاه في راس القلم يقبلونه
وبواخره تمشي بكل البلادين "="ومصادره من كل شكلٍ نمونه
وعنده عيالٍ صالحين ورشيدين"="لا غاب والدهم هم يمثلونه
بيته يعانق شاهقات الضلاعين"="تلقى الحمام مبيضٍ في ركونه
وديوانه اكبر مابنى بالدواوين"="مفتوحٍ واجواد العرب يدهلونه
فيه الخدم متكاملين ومطيعين"="من جاء لهالديوان بيباشرونه
ولا صارت الريضان مثل البساتين "="ماطاب من ريضانها ينزلونه
تلقى الخزاما والنفل والرياحين"="تطرب له الورقه وتزعج فنونه
مع لابةٍ تنطح وجيه الشياطين "="عزٍ لهم وهم يتفادون دونه
هذي الحياة الي لها الناس شفقين "="من غر منها يا حياة المهونه
اشوى من الي ياخذ الدين بالدين "="وطّلابته راس الشهر يبلشونه
ومع الفقر عنده بزور ونساوين "="يبون حاجتهم ولا يعذرونه
يقضي معاشه مامضى الشهر يومين"="لفقر شيبّه وشيب عيونه
عايش ولكن عيشة الفقر مسكين"="كنّه مصخن وهو مابه صخونه
يا الله ياقابل صلاة المصلين "="نك تقوم بعوننا ثم عونه [/poem]وسلامة الجميع
القصيده الثانيه
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عشقت القمر حيث القمر ينبعث به نور
..................واخص الليالي البيض تزهاه ويزهنه
واحب الهوى لاهب من خايع ممطور
...................وريح النفل حيث النفل طيب الخنه
واحب الجمالة والجمالة عمل مبرور
....................واحب الغناه وعز نفسي عن المنه
واحب الصراحة والصراحة بها مسرور
..................حيث أن الصراحة تقطع الشك والظنه
واحب الكريمه اللي يفرج عن المعسور
.................اليا من عطى حتى اهله ما دروا عنه
احب الرجال العارفه واكره المغرور
.................من اغتر في بعض المظاهر يغرنه
سقا الله ليال ماضية قبل هدم السور
................نحفر العدود ونشرب الماء من الشنه
نشوف البنات اليا اوردن كنهم الحور
...............مهار مشاويلن بالاعياد معتنه
على الماء تشوف بيوتهم كنهن القور
...............كثير القبايل تقطن العد بالكنه
على البال ذكراها ياليت الليالي دور
...............ياليت الليالي ما خذنه يجيبنه
تذكرت شيبان لنا يوم حنا بزور
...............يحثوننا بالطيب والفرض والسنة
لو عاشوا حياة قاسية في بحر وبرور
..............عسى الله يعوضهم بما فات بالجنة
لو دورن مضى من بينهم وين ذاك الدور
.............مان مضى له ذكريات يحلنه
يوم الذهب ما يلبسونه بدون خصور
............جمال النسا ما هو من السوق يشرنه
فقدنا حياة البدو مع شوفة المظهور
............ولا عاد به بدو ولا الطرش له حنه
وسلامتكم[/poem]
اللــي بعدي وش اللي تتمنى انه يصير وماصار
|