السلام عليكم ورحمة الله وبركاته ..

اقبلوا من هذه المتواضعه للتواصل معكم ..



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
حيلتك لن عوّدت مضرب مثال = خلها لأجل التباهي والمدوح
مايصير تصد .. وتنادي تعال = تخذل الاعجاب ومدوحك تروح
الوصال اليا تحوّل لانفصال = كل حسٍ منخرس وجده ينوح
والسلام يقال .. ( واللي ما يقال = عذرك اللي شاح بالتفكير شوح )
للسؤال اللي طِرح ماله مجال =يبني الغايه ورى ستار المزوح
كلمتين وعانق الفكر الخيال = كلمتين ويقّضت كل الجروح
ان رمزت اْلهاعلى ضو السؤال = كني اخذل كل مابي من وضوح
وان وقفت اْلها على حد الجدال= كل دله للعتب قامت تفوح
عقب شفت الذات من زود الدلال = تحسب انك في مقامات الطموح
وانت لو مسيّت وأرخيت الحبال = ماتعديت الضماير والشبوح
من يقّدم شي يلقى له بدال = وانت وش قدّمت ! يالكف الشحوح
مايجي للعذر غير ( الامتثال ) = والعذر .. يأخذ من الاحساس روح[/poem]