جيتك عطش صحرا وقلبـي حديقـه
تشربك ود وتكسي ضلوعك زهـور
جيتك ربيع اشـواق حلـم وحقيقـة
جيتك قصيدة حـب ميزانهـا النـور
ياللـي فراقـك لهفتـي مـا تطيقـه
الوين رايح والوعد عـدة شهـور ؟
والعمر باقي فيـه كـم مـن دقيقـة
كم طعنة ٍ في القلب ؟ ألفين وكسور !
كم كوكب ٍ في الـدم يطفـي بريقـه
بين انتظار وصد وجنون وغـرور ؟
بين انطفائي وفي عروقـي حريقـة
بيني وبينـك والمسافـات ودهـور
طفل ٍ على الرمضا غدر به طريقـه
شال المواري وماتـرك أي ماثـور
يغرف سـراب اليـا تعثـر بريقـه
يشرب ذهول وكل ما فيـه مكسـور
احلامـه اللـي فاسئلتـه العتيـقـة
واقفاصه اللي قاعها ريش عصفـور
الوين رايح ؟ ماعرفـت الحقيقـة ؟
البعد جايع واخر الـدرب مسعـور !
قهر يزيد
الــــلــــــــــــــه
نزف في غاية الأبداع والروعه
سلمتي على هالرائعه وسلمت يدك
صح لسانك ياقهر
|