[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,4,silver" type=1 line=0 align=center use=ex num="0,black"]
الهم .. والتفكير .. ومجامل النـاس=
توافقـت فـي خاطـري كلبـوهـا
مدري اوطّي الراس والا ارفع الراس=
والا اعقل الجربا .. واقول انحروهـا
يا ليتني ما عشت شاعر وحسـاس=
ولا استغلّـوا صورتـي وانشروهـا
الى متى .. وانا كذا !.. واطبخ الفاس=
والفوس في رقاب الهمـل علقوهـا
طبيت وسط البحر سابـح وغطـاس=
وضاع اتجاهي بين (كُبّر) و (عوها)
وش خانة المرجان والدر والمـاس=
اليـا انتهيـت .. وجثّتـي كفّنوهـا
وتجاوبت الاقدار واعلنـت الافـلاس=
باحلامي .. وتهميش من فسروهـا
اما بهز الريش مثـل ابـن فرنـاس=
والا على صـدر الخيـال اكتبوهـا
يمكن يشتتهـا هـوا كـل نسنـاس=
ويردّها .. وان ردّها .. إستقبلوهـا
الرجل يبقى رجل مع كـل نومـاس=
والبنت تبقى فالزمن .. بنت ابوهـا! [/poem]
عن اذنك ياخالد
ابي اخذ نسخه
ابروزها
|