حيّ صوتك وحـيّ الله صـداك
كل ما فلّ سمعي .. حـلّ بـي
.
قادني لـك وفـضّ الإشتبـاك
وأنتهت بيـن نـارك وأحطبـي
.
ألتفت يمـيّ وعطنـي وهـاك
جعل فرقـاك تخسـى وتهبـي
.
لو تلولب كلامك مـن شفـاك
أقتنـع بالكـلام اللولـبـي !
.
ياهوى البال يسعد لي مسـاك
أذكر الله وصـل علـى النبـي
.
يا عسى اللي حصل منيّ فـداك
وما حصل منك في سدّ أشنبـي
.
نوّخت من خطاي ومن خطـاك
وأبتدا العذر يبـرك ويحبـي !
.
كم أحبّـك .. وكميّـة هـواك
مـن يحـاول يحددهـا غبـي
.
تكبر ولا لهـا عنـدي سـواك
لو طرحت الضبي فوق الضبي !
.
أنت غالي وعالـي مستـواك
ياطموحـي وغايـة مطلـبـي
.
ما بدا غير نجمي فـي سمـاك
ولا مشا فـأرضك ألاّ موكبـي
.
متسيّـد لحالـي فـي حمـاك
عوشبي يا المحبّـه عوشبـي
.
وقلبي اللي تشيله فـي يـداك
جاك منيّ عطا .. مدري سبي ؟
.
مير سجلّـت صـكّ الإمتـلاك
بإسمك ورسمك وقل ما تبـي
.
أتفيّـا تحـت فـيّـة غــلاك
يا بعـد مـن تغطّـن بالعبـي
.
هكـذا الحـبّ لا بيّـح خفـاك
كلّ ما شيّـب يعـوّد صبـي !
يااااااااااااااسداااااااااح ياااااااااااااااسدااااااااااح
صح لساااااااااااانك مليووووووووون
اشهد بالله انك معلّم في الغزل
هههههههههههههه
قال عليمي قال
اعجبني اسلوبك الراقي يا سداح واختيارك للقافيه المميزه
مره ثانيه صح لسانك
تقبل تحياتي
اخوك
حسين محمد الدوسري
|