منتديات المرقاب الأدبية - عرض مشاركة واحدة

11-04-2006, 01:48 PM

مرحبا والله يافيصل ..

ياهاجسي روّح وتلقى فوق سطح المشتـري
شيٍّ ذخرته من حروفي للمواقف والظـروف
هاته عشان يحقق أهداف القلم فـي دفتـري
واشوف شيٍّ ماتراه العين لوكانـت تشـوف
ولنّ الحروف بلانقط لو تنكتب مـا تنقـري
تعال يالشيخي هنا حط النقط فوق الحـروف
ياالصاحب اللي صحبته في ذمتي ما تنشري
ألاّ بسيف ابن يزن علـى مقدّمـة الصفـوف
شاعر لو انك عشت ساعه في زمان البحتري
كان الكتب تشتال تاريخك على كل الرفـوف
وانسان مالك في سواليف الزمـان المفتـري
ولا تغرّك نشوة الشاعر على صفق الكفـوف
يبصم لك ابهامي بعد ما جيت له من خنصري
أعد ميزاتك بروس أصابعي وازرت تحـوف
بس المهم ابنشدك واشـوف قـدّام نظـري
جواب يقنعني واشيل الحمل من فوق الكتوف
الهجمه اللـي شنّهـا عبدالعزيـز العنبـري
ضربة جزا ولا تسلل ياحكمها اللي يشـوف
ان كنت مخطي جيت بالأعذار لعيون البـري
امّا على مية جمل ولاّ علـى ميـة خـروف
وان كانه اخطا علّمه ما اقول يبـلاه جـدري
ما اقول غير الله يردّه مثل ماكـان معـروف

الله اله الله
الله الله

حي هالصوت وحي راعيه
صوت مبدع وسيكون الصدى من مبدع وابصم بالعشره

سلامي ومحبتي