مساء الخير
استلم يافيصل
[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهاجسي قم من منامك وانتبه وش تحتري=الفعل يطلب منك ردة فعل والعالم وقوف
طالبك فالمجموعه الشمسية اقطعها جري=واكشف قناع الشمس بيدك قبل يغشاها الكسوف
واقرا جميع حروف ابو ريما دبل والا ثري=واليا فهمت اللغز ذر الكحل فعيون الهنوف
سؤال فيصل يوم حللته برى حالي بري=يبغى اجابه والاجابه في عناوين الظروف
تعرف فيصل يكسي من الشعر الابيات العري=البيت منه اشد وانكى من مضاريب السيوف
ان قلت شاعر ماهو بحاجة كلام المنصري=وان قلت صاحب صحبته تسوى ملايينٍ والوف
العلم يافيصل مزوح تروح والدعوى فري=والشك زايل والقلوب صحاح لايلحقك خوف
ماني بطعان الظهر لويهلك الطعن ظهري =تدري وندري ماعشق طعن الظهور الا الضعوف
لك الله انا في غلاكم مانبيع ونشتري=لكن ماتفسد على الود اختلافات الشفوف
اللقمه الي تجرح الحنجور يرفضها المري=ان كان ماهي سايغه ماني بملحقها حسوف
هذا جوابي عن سوالك حسب فكري ونظري=واسلم وسلم والاجابه في عناوين الظروف[/poem]
|