[poem=font="Simplified Arabic,5,blue,bold,normal" bkcolor="transparent" bkimage="" border="double,10,darkblue" type=2 line=0 align=center use=ex num="0,black"]
.
.
الدكتور سداح
والمطلوب كلاش
.
.
يا كلاش أخذها كاش صدري يفوحي=ليتك تجاريني علـى مـا جرالـي
الحب زعّلنـي ونقّـض جروحـي=وعكّر صفا جوي بعد مـا صفالـي
ماهوب كائن حي يسمـع ويوحـي=وأصيح له واقـول مالـك ومالـي
قامت على قلبي بروقـه تلوحـي=وهبت هبوبه من جنوب وشمالـي
دايم كريم العيـن كفـه شحوحـي=أقولهـا لـو انهـا مـا تقالـي !
وأنا معه صادق وقلبـي نصوحـي=وراه يدفعني على ضيـق بالـي ؟
اللـي مسلّمهـا مفاتيـح روحـي=زادت علـيّ الغطرسـه والتعالـي
شيدّت معها في المحبه صروحـي=وأصدق غرام ٍ بين غالي وغالـي
آخر عباره من ضميـر ٍ سموحـي=موّقعه فـي قلـب بنـت الحلالـي
ما عاد لك عندي تعالـي وروحـي=روحي على مشهاك وإلاّ .. تعالـي
.
.
الدكتور كلاش
يجاري الدكتور ســداح
.
.
سداح من بوحـك تحاليـت بوحـي=نسمع ونسلم من صـدوف الليالـي
ناح الحمام ونحت وارهيـت نوحـي=فـال الله ولا فـال غيـري وفالـي
مع حد علمي كل ما قلـت يوحـي:=انـك تبالـي والغضـي مـا يبالـي
لا عـاد تستفتـي عليـك النزوحـي=كفى الله المومـن شـرور القتالـي
ماهيب من جدي ولا مـن مزوحـي=لكنها وجهة نظـر حاسـب آلـي !!
لو كـل وجـهٍ بابتسامـة صبوحـي=كان القلوب الخضر راحـت زوالـي
هذا واخذ منـي بعـد مـد شوحـي=في عالم العشّـاق وشلـون حالـي
الحـب عْـدْ الجامحـه والجموحـي=مشرب هوى يا واقعـي يـا خيالـي
مشروب (خالي من) ومشروب روحي=وانت وضميرك بين روحـي وخالـي
حتى لو يخالف طموحـك طموحـي=تبقى يابـو زيـد الهلالـي هلالـي
.
[/poem]
.
|