عبدربه

سلموها للجبـل : خولان عامر ... مع سلامي ، واحترامي ، والتحيه !!

.
.
.









بسم الله ..


[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا تخيّر من تجاري وهدّفت=يمّ الذي رميه يصيب الضريبه
رجلٍ ليا سولفت في الطيب سولفت=بإسمه ؛ لو إن إسمه لحاله مصيبه
في مدحته مهما تجاوزت وأسرفت=لايمكن أوَفّيه كامل نصيبه
خولان لاسيّرت له عَجْل ؛ صيّفت=من لينة الجانب ، ومن طيب طيبه
ضلعٍ ترى بعد النظر به ليا أشرفت=ليا أنكر الصاحب مواقف صحيبه
هذا ؛ ومع مابه من المرجله شفت=للشعر مع خولان قدرٍ وهيبه
لفتة نظر.. مادام جاء للنظر لفت=كلمة شرف ماهيب نمه وغيبه
عساك ياخولان عقبي توظّفت=وألاّ تشيل الجامعه في الحقيبه
خابرك من وضع العرب شفت ماعفت=وأنا على مثلك ما أحب الغليبه![/poem]

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348