مشخص السلمي

قالوا تخيّـر مـن تجـاري وهدّفـت
يمّ الـذي رميـه يصيـب الضريبـه
رجلٍ ليا سولفت في الطيب سولفـت
بإسمه ؛ لو إن إسمه لحاله مصيبـه
في مدحته مهما تجاوزت وأسرفـت
لايمكـن أوَفّيـه كـامـل نصيـبـه
خولان لاسيّرت له عَجْـل ؛ صيّفـت
من لينة الجانب ، ومن طيب طيبـه
ضلعٍ ترى بعد النظر به ليا أشرفـت
ليا أنكر الصاحب مواقـف صحيبـه
هذا ؛ ومع مابه من المرجله شفـت
للشعر مـع خـولان قـدرٍ وهيبـه
لفتة نظر.. مادام جاء للنظـر لفـت
كلمة شرف ماهيـب نمـه وغيبـه
عسـاك ياخـولان عقبـي توظّفـت
وألاّ تشيل الجامعـه فـي الحقيبـه
خابرك من وضع العرب شفت ماعفت
وأنا على مثلك مـا أحـب الغليبـه!



عساها تبطي بك حي يا ابو عتيق ،

شاعر كبير ومسند على شاعر كبير ..



بـ انتظار المبدع خولان بن عامر ،



وبالتوفيق للجميع ،


اخوكم / مشخص

سبحان الله وبحمده
سبحان الله العظيـم