للعـشـاق فـقـط
اخواني اخواتي
السلام عليكم ورحمة الله وبركاته
اهدي لكم ماكتبت واتمنى القبول .......
[poem=font="Arial,6,blue,normal,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
جتني بممشاها تخطا على هون=وذكرت ربي يوم شفته وكبرت
انسٍ خلقه الله ولاشفت بالكون=مثله ولا حتى بخيالي تصورت
فيها جمالٍ مارأت مثله عيون=من شوفته كني بجسمي تخدرت
وبي سلهمت قالت عسا مانت مطعون=كان البلا مني تراني تعذرت
قلت العذر باالله وشلون بيكون=يعني انا .. آسف .. وعفواً .. وقصرت
يابنت لاوالله ماهي بهااللّون=طبي بقربك وان بعدتي تدهورت
ثم بخجل تبسمت قالت اشلون ؟=يعني ابيع الناس! شكلك تهورت
ماهو صحيح ان انت بي صرت مفتون=ولاهو صحيح انك بلحظه تأثرت
قلت اسمع العشاق دايم يقولون=الحب من نظره وانا فيه ماسرت
والحين صبتيني والأضلاع يوحون=رقصة شراييني فرح بعد ماصرت
اغلى نزيلٍ بالحشا صار مضمون=وتباشرت فيك المعاليق نورت
واصخت بترحابك هلا فيك مليون=حنا عطاشا للمطر وانته امطرت
.. واثّرت بالجادل وقالت يامجنون=عزالله اني ياهوى البال قررت
اهديك قلبي ومن فداياك وتمون=على حياتي دام انا من تخيرت
بس الصراحه كنت ابسبقك وآكون=انا اللذي باجيك وآقول بك طرت
ومادام جيت آقول .. وبليس ملعون=طبي بقربك ,, لو بتبعد تدهورت[/poem]
.........
وسلامتكم
,,,,,
ABDULLAH .. MEZAN
قالت
الله يسامح نور عيني علامه
ابطا عليه والهواتف ماردت
.............الخ
فقلت
يامرحباً باللي عزيزٍ مقامه = اللي على روحي وقلبي تبدت
جتني مراسيله ومنطق كلامه = وعين العتب عقب البطا لي لدت
ادوت وراحت فوق فوق الغمامه = من نجد للشرق الاوروبي تعدت
وباالعود والريحان والأبتسامه = قابلتها والها الضلوع استعدت
انا المدان اللي بصملك ابهامه = ولاني بمن فيه الهقاوي تعدت
وانا فداك ان ثار عج وعسامه = يااللي اليا شفتك لي الروح ردت
(((( ياالله عساني ماانحرم منك ))))
|