ودي بشوفه بس ماني ب قادر
وإن كان شفته كيف اقول احبه
كيف اشعره واحسسه وابادر
وآمن جنابه واتحاشا الطبه
لايحسب إني سيد عيني غادر
والا من اطراف اللسان ألعبه
حشا وكلا يالعفيف النادر
راع الخطا يلقى عقوبة ربه
حسبي على الطرف الكحيل الخادر
وش عاد خلا للنحر واللبه
قلته بعد سطا علي وصادر
نومي ودمعي من عيوني صبه
اول سنه يدرج بنفس الكادر
حديث عهد ولانزل للغبه
وارد وانا اطوي في حبالي صادر
يغضي تقول إنه علي مشبه
حاولت اغادر ماقدرت اغادر
الدرب اشوفه ماقدرت اذبه
المستند ليته نظر للحادر
والا على ماقيل راح وكبه
ماحمله حمل البعير الهادر
ولا اركى عليه الجمره المشتبه
يالله ياقادر ماغيرك قادر
عدل ميول الحظ ب اهون سبه
الله الله الله
ابو نايف والله مدري وش اكتب وش اقول ضاعت كل علومي 0 هنا يطول الوقوف
الف صح لسانك
كل الووووود
اخوك
|