|
ديوان الشاعر الكبير سعود الوسمي
بسم الله الرحمن الرحيم
يسعني ان اقدم لكم شاعر كبير بقصائده واخلاقه
الا وهو الشاعر الكبير / سعود عبدالهادي الوسمي المطيري
جمعت مااستطعت من قصائده وسوف اوردها في منتديات المرقاب
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال الذي قوله عن الخوض محفوض = مثايلـه عـن مـا يعيبـه حفظـهـا
لا لاحظ النقـاّد ماشـاف ملحـوض = يمـوت غـل وغلطـتـي مالحظـهـا
برضاي اروّض جوهر الشعر ويروض = =وليـا ومـرت اوامـري مارفضـهـا
بنات فكري تدحم الصـدر ويجـوض = جواهـرن تشفـي القلـوب ومرضهـا
وشعرن بلا معنى من الاصل مرفوض = لاصـار مايقضـي لنفسـي غرضهـا
لوبيت واحد جزل عن غيره يعـوض = تفنـا البيـوت وهـو يبقـا عوضهـا
ماني غشيمن خاض بحر المثل خوض = الـيـا فتـلّـه حجّـتـن مانقضـهـا
هو راقدن والناس واعين وايقـوض = تعـرّض لنقـد البشـر واعترضـهـا
مثل البعير اللي من الحمل مبهـوض = حمّل علـى نفسـه حمـول وبهضهـا
يبا ينوض وطـاح مايقـدر اينـوض = ماتنهضـه صـم العظـام ان نهضهـا
وكد قيلت الدنيا توافيـق وحضـوض = والكلمه القشـره علـى مـن لفضهـا
وترى احترام الناس واجب ومفروض = ومن يحترم نفسـه عليهـم فرضهـا
وهذي حياة الناس خافض ومخفوض = والله رفع قـدر البشـر عـن بعضهـا [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تغنّت طيور الشعر فـي روضـة البستـان = تـغــرّد طـــرب وانــا جـذبـني تـغـردهــا
جذبني صدى صوته على الحاجر المليـان = يـطــوّّّّح مـواويـل(ن)عـلـى الــبــال ارددهــــا
تهيّض وهيّضني شجا وحـرّك الاشجـان = يـداعــب شـعــور الـشـعـر كـنــه يـعـانـدهـا
وجته القوافـي مطلقات(ن)بـدون اعنـان = مــطــرّز معـانـيـهـن بـصـافــي زمــردهـــا
تجاوبت انا والورق فـي ملتقـى الخـلان = مـكـان(ن)الـيـا جـيـتــه هـمـومــي يـبـددهــا
مكان(ن)نقش في داخـل الذاكـره عنـوان = يـذكّــر عـلــيّ عـهـودهـا يـــوم اعـاهـدهــا
سقاه الحيا مـن هامـل الديـم لـه ودّان = يــربّــع بــروضــه والـمــأثــر يـجــددهــا
لجل كد مشى في روضته قايـد العـزلان = فـريـد(ن)فــرد بـالـزيــن والــــرب فــاردهــا
غريبه وصوفه ماوصوفه وصوف انسـان = مــن الـحـور جــلّ الـلـي عــن الخـلـق زايـدهـا
كساه الحلا والملح والنـور فيـه الـوان = مــلاك(ن) مـلـك نفـسـي عــن الـغـيـر قـيّـدهـا
غرير(ن) غرور مغطرس(ن)بالجهل غرقان = قـريـب(ن) بعـيـد(ن) عــن هــل اللـعـب مبعـدهـا
نظيف(ن) عفيف(ن) ماقضى للمولع شـان = تـمـوت الـنـفـوس مـــن الـعـطـش مايشـهّـدهـا
محافظ على عهـده مهـو للعـده خـوّان = هـواهــا عـلــى وضـــح الـنـقـا ذي عـوايـدهـا
اخذنا بماض الوقت انـا والغضـي عبّـان = قــبــل لايـفـرقـنـا حــســودي وحـاســدهــا
تجدد عهود الود غصبـن عـن الزعـلان = وتـبــرا قـلــوب(ن) كـايــد الـــود ضـاهـدهــا
وتطيب النفوس اللي طواها نيـا الحرمـان = تــــوارا الــزمــان ولانـفـعـهــا تـجـلّـدهــا
قلوب(ن) تساعر وسطها واهـج الضيّـان = تــقــل بالـخـنـاجـر والـهــنــادي تـقــددهــا
حرمها عن اللي تشتهـي ميّـت الوجـدان = حرمـهـا حــرم مــن شــوف عيـنـه ومـرقـدهـا
عسى الله يعوّض مامضى بنعمة النسيـان = تــجــدد امــــال(ن) مـابـقــى الا شـرايـدهــا [/poem]
وهذه مجاراة الشاعر الكبير محمد الخس لسعود الوسمي
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سمعت البيوت اللي من الحصّ والمرجان = بيوت(ن) صنعها المصنع اللـي مورّدهـا
من الوسمي اللي صار في خانة الهزان = تذيـع الاذاعـه بـه وتنشـر جرايدهـا
تذكّر وذكرنـي وجيتـه مـن الحيطـان = كما المضميـه تذكـر عليهـا مواردهـا
سعود يتمشى في بحور الهـوا غرقـان = وانا عبرتي في داخـل الصـدر اذاودهـا
ذكرتك الغلا ياعارض الما على العطشان = كبود(ن) تحـب وتشتهـي وش يجوّدهـا
سقا الله سقا الله ماذكرته هـك الزمـان = طـرف ليلـة(ن) ماتنتحسّـب فوايدهـا
مع الجادل اللي كنها مطـرق الريحـان = حشى ماعطتنـي بـس منـاك اشاهدهـا
واحب التراب اللي تجي فيه لو صـوّان = وارصّه على كبـدي شـوي(ن) يبرّدهـا
يطفي لهيب(ن) ثاير(ن) كنّـه اليركـان = تضمّّّه مهاديف(ن) عسـى الله يساعدهـا
من العندل اللي شوفها يبـري الاحـزان = اكـنّ المـوده مـن طرفهـا واجاهدهـا
من الحور لولا الحور رافعهن الرحمـن = لقول ان زيـن الحـور فيهـا موالدهـا
تحشر البشر في حسنها الباهي الفتّـان = هك الغرّّه اللـي تشتعـل ويـن تاجدهـا
ليا قضّت الاشقر ومال وكسى الامتـان = جميـع العـذارا فـي عيونـك تزاهدهـا
يميل الهوا في عودها الناعـم الريّـان = هواف(ن) خواصرها وقوف(ن) نواهدهـا
هدب عينها لاطرّقت به علـى الاوجـان = شخاتير مزن(ن)في بيـاض(ن) يطاردهـا
ليا طبّت الملعب يصيب الوقـوف جنـان = كما الكرده اللي تعجبـك فـي تمرعدهـا
مع الزين والقبله عليها حـلاة لسـان = تسلّ النفوس اللـي قـوي(ن) عقايدهـا
لو انه من اول يوم لهل الرمـك ميـدان = ثمنها المهار اللـي طـوال(ن) جلامدهـا
عسى ديرة(ن) تسكن بها لوهي الصمان = عليها قنـوف الوسـم ترخـي قلايدهـا
لعل المزون اللي تكاشـف لهـا ربّـان = تهشّـم عليهـا ليـن تمـلا مصامدهـا [/poem]
وهذه قصيده أيضاً للشاعر محمد الخس الذي أسموها ( شيخة الغزل)
ومجاراة شاعرنا الوسمي لها
يقول محمد الخس
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا لي ثمان سنين اجامل وانا مجـروح = اكن الموده داخـل الصـدر واكتمهـا
يجيني بلاً صندوق قلبي يزوحـه زوح = خطيرٍ معاليقي مـن القلـب يصرمهـا
سبايب مـودة جـادلٍ مابهـا مصلـوح = تبهذلـت منهـا مابـه احـدٍ يعلمـهـا
يقول ارحمي روحٍ تبلت لها فـي روح = هي العوق والاسباب مانـي بضالمهـا
خذتني وجرتني بضحكة غلا ومـزوح = تهايفت معها ليـن طحـت بمراحمهـا
غرقت بغلاها مغرم مثل غرقـت نـوح = ولاادري عن ايام الغـلا وش خواتمهـا
وانا مبتلٍ فيها ولالـي وراهـا شبـوح = مفاتيـح قلبـي فـي يديهـا مسلمـهـا
اليا قلت خفي حبك اللي تعـدا المـوح = تجيني بنغمات ٍ على القلـب ترسمهـا
تجيني باساليبٍ تزيد الجـروح جـروح = خذتني بضحك احجاجها مـع تبسمهـا
تبسم بيضٍ كنهـا اللولـو المصحـوح = او الـدر مـن بكـرٍ سريـعٍ ترزمهـا
عليها الحلا والملح كنك تكوحـه كـوح = حضيض الفؤاد المسعد اللـي لايمهـا
هاك الغره اللي مثل برقٍ لنوره ضـوح = سنـا مزنـةٍ ترعـد وتبـرق مقادمهـا
عن المترفات الضمّرالعقش فيها نـوح = تحشر النفوس اللـي قـويٍ عزايمهـا
تمريع مثل زملوقةٍ في محير الصـوح = عدلها النسيـم ورايـح الوبـل داهمهـا
اليا شافها راع النظـر حـار مايـروح = تكلم حشـى لله ماهـي مـن اوادمهـا
لاهي حص لاياقوت لاجوهرٍ مطـروح = تقـل فضـةٍ مصبوبـةٍ مـن مناجمهـا
هوافٍ خواصرها الجدايل عليها سبـوح = كساها اشقرٍ ياصل اليا الردف ضايمهـا
مثل ذيل شقراً ماعليهـا ثـلاث قـروح = تكـم السبايـا يـوم تطـرخ قوايمهـا
اليا سلهمـت بعيونهـا عدنـي مذبـوح = تبنجت حتـى كلمتـي مقـدر ابرمهـا
هذا هو بلاي وهو سبب جرحي المفتوح = من اسبابها افـرق هجوسـي واليمهـا
عديت وتعبت وطحت والكبد فيها فلوح = تهيج الجـروح ولاش شـئٍ يدمدمهـا
علي الخطر وشلون تلعبـي الشحـوح = مثل مالعبت بغيرهـا صـرت رايمهـا
على كيفها تومي بقلبي سـوات اللـوح = بلاي الغلا اللي بسرة القلـب واسمهـا
حلايا المهاه اللي ذعرها دبش وسروح = وراهـا تشـب النـار فيِِِِِِـه وتشعمهـا
ليا جيت ابا ازعل ردني حكيها المملوح = يجيني بـلاً حتـى عيونـي يغمغمهـا
جدايه جدا ورعٍ جـداه البكـا والنـوح = يبـا حاجـةٍ مخفيتـن امـه معالمهـا
يالولا يالولا ان الخطا فاعله مفضـوح = ماعود محيم وعبرة الصـدر ازايمهـا [/poem]
مجاراة شاعرنا سعود الوسمي
ويقول ابو بدر..
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سمعت الحمام اللي سجع فوق غصن الدوح = جذبني بنغماتن هل الحب تفهمها
تغنا بشعرن من شذاه العطور تفوح = يعطّر مسامع من سمع في ترنّمها
من الشاعر اللي قبل انا لاامدحه ممدوح = وكد قالوا الاجواد ماتهفي ذممها
غنيّن عن التعريف ازيد الوضوح وضوح = تباها به اشعاره يصخّر ملاحمها
عميد القصيد وفي عيون العدا ذرنوح = وهو الاديب ونفسه الرب ملهمها
شعاني وانا قلبي مع اهل الغرام ايتوح = هضمني وروحي قبله الحب هاضمها
جبرني ابوح وعادتي للخفا مااابوح = اداري عن السمعه ونفسي مشيّمها
اجامل وانا قلبي بسيف الغلا مصطوح = اكن العباير في ضميري وكاظمها
هليك ودريك ادوّر من البلال انشوح = وكبدي تفوح وبارد الشرب يلطمها
غديت الغليث اللي يخاف البروق تلوح = يسوج ويلوج ونفسه الغلث مسقمها
سبايب عنودن صار في حبلها ساموح = حرمني محجّرها وهي مثلي احرمها
علامه يفرّقنا لعله ماهو مبيوح = بنينا الامال وحاقد القلب هدّمها
ولاله مصالح بس غاد الجدا مشفوح = مسممّ ونفسه زايد الغيض سممّها
حقود وحسود ومسردن كنه النابوح = وذلوله على كل المغازي يدرهمها
عسى الله يلم الشمل بالصاحب النصوح = وتطيب النفوس اللي محيمه حوايمها
وتليم شفوف اهل الهوى والعدو مكبوح = وتلحق هواها المغرمه لجل مغرمها
تهيّا على وضح النقا دربها مبروح = انال الهنوف اللي ولامي موالمها
ويبرا فوادن من غرام الهوى ملحوح = لحاه الهوى وارثع بروحي وحطّمها
وتخايط جروح بداخل الضامر المشلوح = من الجادل اللي حاكمتني وحاكمها
هنوفن عيوفن من تولّع بها مسموح = كساها الحلا من الراس لاحد مقدمها
غنوجن عنوجن بهرجها للعرب سحوح = فتونن يضيّع كلمته من يكلّمها
بها من مهاة الريم غره وفيها لموح = تذوب القلوب بنارها ماتقاومها
عليها الله اكبر كيف جاحت فوادي جوح = بها النفس مرهونه ولاني بلايمها
تمركز غلاها غصب ماعاد هو ممسوح = ولاعاد لي سلطه على النفس ايممها
انا صاربي ماصار للخس ياملّوح = طواني هوا خلن طوى الحال واعدمها
خليلن تخلخل خل عقلي وشاحه شوح = عزلني عن العالم دها النفس واوهمها
خطاها كبر سنجار مير الخطا مدموح = لعل وعسا ترحم وذا من مكارمها [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا ياعذولي كف عذلك بـدون احـراج = دخيلك ترى بعض العـرب ماتحمّلهـا
انا منتحي والمنتحي صعـب ماينعـاج = يدوس المخاطـر بالقـدم ويتساهلهـا
يشوف الدروب الكايده كنهـا الديبـاج = يزور السباع الضاريه فـي مداهلهـا
حداه الغرام وصابه من الغـرام خـلاج = عيونه تهـل الدمـع ماكـف هاملهـا
على من تمكن في ضميري غلاه ولاج = نحا وانتحا في راحة النفس واشغلهـا
حبيبن لبيبن لبـق للنفـس والمـزاج = عطوفـا رؤؤفـا بالقلـوب وتعاملهـا
خبيرا بسلم الحب والعـرف مايحتـاج = حوى واحتوى كل الصفات ومسائلهـا
تمريع بعودن ناعم انعم من الكربـاج = لياهب نسناس الهوى غصـب ميّلهـا
غريبا بوصفه في جميع الوطا مـاداج = تجلاّ وجـل اللـي عطاهـا وكمّلهـا
بعقل وثقل من فوق رووس العذارا تاج = وهذا الذي عندي رفع شـان منزلهـا
ولو كان ماحصّلت للجرح منه عـلاج = مخايل مزونه تتعـب اللـي يخايلهـا
رفيعا مقامه عن هوى العاشق البـلاّج = شريف المسـار وسيرتـه مايحوّلهـا
اسرني بحبه غصب ماعاد فيه افـراج = ونفسي اسيره مالهـا عفـو يشملهـا
لعل وعسا يعطف على العاشق المحتاج = بعطفه ولطفـه بـذ نفسـي توسّلهـا
انا المغرم اللي ضاع في غبّة الامـواج = ولاعـاد اميّـز بيـن حابـل ونابلهـا [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علامك تنوح ازعجتني ياحمـام الـورق = تغنّي طرب ولاّ توجّـد علـى الماضـي
ترا للغنا عند المهاويـن عـدة طـرق = طرب ياحزن محدن يغني على الفاضـي
وانا عارفن مابين حالي وحالـك فـرق = ولوماكشفت اسرارك اعراضك اعراضي
زمانـن درقنـا ياحمـام المحبـه درق = وهذي فعوله دايـم اطـوال واعراضـي
حرق قلبي وقلبه بنـار المحبـه حـرق = الاياوجودي ليت لاهل الهـوى قاضـي
وياخذ بثاري من وليفن سرقني سـرق = نهب قلبي ولاحدن على فعلتـه راضـي
فردني عن العالم وصلّى بقلبـي شـرق = تسيطر وذلّلني ماعـدا عـن احياضـي
لعوبن لعبّي شفت منه المصايـب زرق = وعيت تطيب النفـس مافيـه تعتاضـي
قطوعن قطعبي للقطاعه بقلبـه عـرق = احاضي على قربه ولااشوفه ايحاضـي
غرورن غريرن غارقن بالجهاله غرق = وكنّه على ذبحـي يحـرّض تحرّاضـي
بسهم المحبه من عيونه زرقنـي زرق = تفنّن بذبحي فـي سريعـات الالحاضـي
يباهي بخدّن لاكشف مثل ضوح البـرق = سنا نور وجهه في ظلام الدجـا ياضـي
تبسّم ببيضن لاطوالـن ولاهـن فـرق = كما حب رمانن علـى طلعتـه ناضـي
كمل واكتمل زينه وكفّ البنات الطـرق = تبصّر بحسنه من فرض خمس الافراضي[/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عن بعض ناس اقصري فالمشي يارجلي = مـن لايقـدّر مجيّـك ليـه تنصيـنـه
لاصار لامن زهمتـه مايجـي عجلـي = وش خانة العشره اللـي بينـي وبينـه
خله يولي عسـى الله منـه يفرجلـي = حرام ماتبكـي عيونـي علـى عينـه
ماهو بلاناقصـن رزقـي ولا فأجلـي = الـرزق و الاجـل عنـد الله وبيدينـه
زرعت بارض الصبخ باغيـه ينتجلـي = ولا طلع فيـه غيـر الملـح والطينـه
ضحين لجله ولاهـو مضحّيـن لجلـي = عن ماتسـوي يمينـي تقصـر يمينـه
انـا بعلـم المفاخـر حافلـن سجلـي = اتعب على الطيّبه واعرض عن الشينـه
يوم الردي في حبال السـوء ينسجلـي = وانـا احسبّنـه صديـق ونيّتـه زينـه
قـدّام وجهـي يرحـب بـي ويبلجلـي = واثـره يخفّـي العـداوه لـيّ بيدينـه
ماهو بلاحـق جزايـه لـو يحجّجلـي = يـوم الحبـل حـط بيدينـه ورجلينـه [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين ضحّيت لك وارخصت لك روحي = والظاهر ان تضحياتي مانت شايفهـا
عليك جاوبت نوح الورق في نوحـي = والعين حرّق خـدودي حـرّ ذارفهـا
ياعلّتـي ويادوايـه داوي جروحـي = سبايب جروح قلبي وانـت عارفهـا
مما حصل لامباح ولانت مسموحـي = عذّبت نفسي عسى الله منك ينصفهـا
يكفيك عن حب غيرك مبعد شبوحـي = كل من بغتني على شانـك اطوفهـا
مهيمنه بالغـلا لاابصـر ولااوحـي = معمي عيوني عن العالم ومحرفهـا
مع كل هذا بوصالك صاير شحوحـي = بخلت في وردة البستـان لااقطفهـا
قلي من الحب هذا ويش مصلوحـي = لاصار ماتتـرك النفـس بتصرّفهـا [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياصاحبي لاحوّل ماعـاد لـي راي = لعبت في فكري كم لعـب شطرنـج
اتهون بلـوا المبتلـي عنـد بلـواي = خف الغلا عن مغرمن حانجه حنـج
لاشوف لااسمع لااعرف وين مرساي = افيق واغيّب مثـل صاحـب البنـج
مما جرالي منك تصخف لي اعـداي = ارفق بحال مولعـن سانجـه سنـج
كني بعزلـه مـاش مخلـوق ويـاي = بغياهبن مـن دش فيهـا فـلا ينـج
اصارع امواج الدهر وانهك اعضاي = في غبتن من عمقهـا يطبـع اللنـج
احرمتني يازين مـن طعـم دنيـاي = يامن عليك اهل الهوا ارقابهـم عنـج
هذا صوابك بالحشا ينـزف ادمـاي = متمكن بالقلب خمسـة عشـر انـج
ماعـاد يبـرا ناقلـن داي بــرداي = خليت قلبي عقـب الايقـان يخلنـج
لاماك يغنيني عـن الـزاد والمـاي = انت الهوا وانت الدوا بطبعك الغنـج [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين لو حاولت صعبـن رجوعـي = لاتعتـذر مافيـه داعـي للاعـذار
وش عاد لو خدّي شكا من دموعي = والله ماارجعلك ولو صار ماصـار
الحر ياعـذب السجايـا جزوعـي = ماهو على بعض المواضيع صبّـار
وانا نسيتـك ياغريـب الطبوعـي = ماعاد لك في داخل القلـب تذكـار
جزاك يومنّـك لوصلـي قطوعـي = حبّن بليّـا اخـلاص لابـد ينهـار
وانا تركتـك باقتناعـي وطوعـي = عندي عزيمه يااريش العين واصرار
مهما حصل يازين مااعلن خضوعي = لاوالذي بيديـه تصريـف الاقـدار [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليت ابو سلطان مثلي شاف موضي = يـوم طبّـت والجدايـل نقّضتـهـا
خدها يجهر بـداج الليـل يوضـي = ماتمـيّـز بالـقـلاده ورقبتـهـا
لااخزرت في عينها قلبي يجوضـي = اونس الموت الحمر من سلهمتهـا
دانة(ن)مايحوشها كود امحظوظـي = ماتهيّا لكـل نـاس(ن) لـو بغتهـا
لوّترضى كان قدّمـت امعروضـي = الحـق النفـس الشقيّـه بشهوتهـا [/poem]
وهنا شاعرنا الكبير / سعود الوسمي يتغزّل بالابل ( الصفر)
تاركا حب الوقت الحالي ومبدلا بحب الابل ....
لنرى مايقول الوسمي :
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابدر قل للغضـي ماعـاد انـا يمـه = بدّلـت رغبـة هـواه برغبـة نياقـي
ماجاني قصور منـه ولااقـدر آذمـه = لازال حبه على طـول المـدى باقـي
خلّن خليلن تخـلاّ عـن بنـي عمـه = لجلي وانـا لجلهـا ماخـون ميثاقـي
يوم الهوى عـدل لـه يمـه وبالقمـه = آخـذت ياخـو عزيّـز منـه مالاقـي
عشقن ينومس ماهو من عشق هالخمه = مجرّدينـه مـن المعنـى والاخلاقـي
حلفت عن عشقهـم والحلـف لاآتمـه = مانـي بمـن عشقـه يلفّـق تلفّاقـي
مشين مع الصفر يبري القلب من همه = يدله بهن خاطـر المحـزون لاضاقـي
صفرن غلاهن جرى بالقلب مـع دمـه = متمركزن حبهن فـي داخـل اعماقـي
ماهمني من غـرام الصفـر ماهمّـه = عندي خبر للعـرب شوفـات واذواقـي
من لامني ياعسـا بقعـا تفـاج امـه = ولاّ تسكّـر بوجهـه كـل الارزاقــي [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياكثر ماواجه وياكثر مـا اوحـي = لاشك مالـي بالسواليـف حاجـه
ماهمنـي ماقيـل واثـق بروحـي = والرجل يعرف مدخله من خراجـه
ماني ضعيف ولاقصارن شبوحـي = مير ان طرد الهرج عيب وسماجه
والسب عيب ولايـداوي جروحـي = والصد هو طب الضمير وعلاجـه
هذا وانا ببعض المواقف سموحـي = ولا بعضهـا عـيّ فيـه انعواجـه
وانا لجـزلات المواقـف طموحـي = وقلبي على الطولات فيه اندلاجـه
يومن بعض الناس كلبـن نبوحـي = دايم وله وسط المجالـس لجاجـه
عسا سرحه ماتشـاوف سروحـي = وعسا يجي بينـي وبينـه زراجـه
اخير لـي فرقـاه خلّـه يروحـي = الحر مايرضـا لكسـرة حجاجـه
لاصار نذل وفيه حسد وشحوحـي = وش عاد ابيبه ما مزاجي مزاجـه
والله مادانيـه مانـي مـزوحـي = والقلب مع مثله صعيـب اندماجـه
بغضه بقلبـي ثابتـن مايروحـي = دام الفخر لابس على الراس تاجـه
ولو قلت ابصبر غصب سدي يبوحي = حيث اني ماارغب لشوفه مواجـه
يضحك معي والقلب ماهو نصوحي = لسانه حلو بالهرج والقلب صاجـه [/poem]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قلبـي الـي لاستـراح ولادلـه = شيب براسي قبل وقت المشيـب
مقصده لاهـو غـرام ولا ولـه = مقصده علم الفخر لوهو صعيـب
واهنـي الـي تعبلـه ووصلـه = اشهد ان الطيب من طيب النصيب
نال تاج الطيب والمجـد احملـه = ماخذه لامـن بعيـد ولا قريـب
من بغى الطولات يفعـل مافعلـه = لا يتـردد الفخـر دربـه تعيـب
كل راعي عمـل يجـزى بعملـه = الردى بدل الردى والطيب طيـب
صانع المعروف في غيـر اهلـه = مثل من فرغ صميلـه فالشعيـب
قالهـا الـي ماتغطـرس بجهلـه = التجارب فاد صاحبهـا الطبيـب
شاعر (ن) اليا بغى الشعر افتلـه = ما ختلس بالشعر يزعب من جليب [/poem]
من ديوان الشاعر العلم سعود الوسمي
وهذا الذهب والألماس الذي استطعت الحصول عليه
لشاعرنا اطال الله بعمره
وتقبلوا ودي وحبي لكم وللشعر ومنتديات المرقاب
اخوكم سعود
تدري وش أكبر خطا؟ يحسب على أمك وأبوك = لو كان قلبي كلاه البعد..وأبكي عليك
فرقاك هانت عليهم بعد مازوجوك = الله يسامح غلاك ويغفر لوالديك
|