سداح

سلام وأُسعدتَ مسـاءً يـا علـي
يا شاعر حروف البيـوت الحاليـه
القلب مـن زايـد غلاكـم ممتلـي
والشاهـد الله والمحبـه غالـيـه
وبعد السلام البرح سجل ما يلـي:
لا يا وجودي يـا علـي وآحاليـه
لا يا وجودي وجد هامـورٍ ملـي
معروف من ذوي الفئـات العاليـه
أمير فالعصـر الجديـد المخملـي
ونفسه على كـل البشـر متعاليـه
اكبر غني فالبورصه مالـه حلـي
وبعد الغنى جته المصائب صاليـه
بعد التطاول فالحسـاب المذهلـي
امسى غني واصبح يدينـه خاليـه
واصبح من الاصحاب والعقل أعزلي
والمال راح ولا بقـي لـه تاليـه
اليوم في سجن الحقوق مسلسلـي
وأهله جفوه وسافـروا لإيطاليـه
على التي صابت أخـوك بمقتلـي
وراحت وهي بالحب غيـر مباليـه


حلو يابو وليد ..


يا مرحبا يا أعز ربعي وأهلـي
ترحيبة بيـن الحنايـا غاليـه
يسوقها قلبي وهي تغلي غلـي
الاولـه والثانيـه والتالـيـه
أما عن الموضوع يا كثر جهلي
واشغلت بالي والاوادم ساليـه
تراك ماوضحت لي درب جلـي
مدري من اهل الدار والا جاليه
لو كان باب الحب بالنسبه إِلي:
ناسي طريقه من سنين باليه!!
أبا طريق الشافعي والحنبلـي
والغيت باب العاليـه والداليـه
رجواي عفو الله عن سؤ عملي
واندم ليا مني ذكرت اعماليـه
من منزلي لـمسجدي لـمنزلي
ماهمني نجوى وهند وداليـه
علم يا ناصر كل من قلبه خلي
قوم تعداها الفـروض ملاليـه
قل للبهايم عن نوايـا كندلـيـ
ـزارايس اللي لليهود مواليـه


وحلوين يا بوسالم



سلام الله عليكم ،

>> هات و دوك ! <<