منتديات المرقاب الأدبية - عرض مشاركة واحدة

26-04-2006, 11:02 AM

أضيق نوب وينشرح خاطري نوب
والصبر يثمر لو طالـت سنينـه
يابوعتيق الله يدلّك على الصـوب
وصّ الرفيق اللـي تعـزه بدينـه
يحزنني المسلم ليا قيـل منكـوب
وأفرح ليا منه لِبِس لِبْـس زينـه
عسى لك التوفيق بالخير مصحوب
حجيت مكـه ثـم زرت المدينـه
أنشدك عن علمٍ يقولون منسـوب
عن واحدٍ كوب الشهد فـي يمينـه
وثنين كـلٍ وده الفـوز بالكـوب
وكلٍ يبا من هجر فالصيف عينـه
سمعت وألا جاك بالعلم منجـوب
عطني خبر وش صار بينه وبينه

ياسلام ياسلام يابن شنيف ابدعت واسندت على مبدع

شاعر جهام اللي مع الناس محبوب
ياربـي إنـي طالبـك لاتهيـنـه
/
قبل أمس من عنده تلقّيت مكتـوب
متعب ورى الإسلام قلبـه وعينـه
/
مهموم ينشدني وأنا دوب يـادوب
أحـطّ لـي جيـمٍ يلايـم لسينـه
/
الناس ياهادي فرادزيـن وشعـوب
ولاكل من يرطـن فهمنـا رطينـه
/
عسل تهامه عند أهَلْ نجد مرغوب
حاولت أجيبه في ضواحي الدفينـه
/
لكن دونـه قفّـل البـاب شيبـوب
وياما أكثر الحرّاص عند الخزينـه
/
وأنا يابوسلمان طالبـك مطلـوب
تاقف معي وقفتـك دايـم ثمينـه

صح لسانك يابو عتيق وعزالله انك جاريت وابدعت

سلامي ومحبتي