منتديات المرقاب الأدبية - عرض مشاركة واحدة

27-04-2006, 12:29 PM

ياصباح الشعر

والله مالي يا جماعه نيّه
لكن خالد حدني للآتي

يقول نبغا مشاركه فعليّه
ياللي على الفاقه تروح وتاتي

وحاولت اقدم ماتحوش ايديّه
والعذر عن تقصيري وزلاتي

وانا لا شفت الحاجه الجديّه
ابدي جميع افكاري ونظراتي

واليا لقيت المزحه الوديّه
لا مانع امزح في بعض الاوقاتي

لكن لا جات الفزعه القوميّه
احشد جميع جنودي وقواتي

جيتك يا خالد وانت نارك حيّه
وراياتك اركز جنبها راياتي

رايتنا اللي للنصر ماريّه
واللي تحدانا يشوف الآتي

السيف والا قنبله ذريّه
ورح عاد حسّب حسبة الامواتي!!

ياسلام ياسلام يابو عبدالله ,,

صوت مبدع وقصيده فاخره وننتظر الصدى من المبدع ابو نجد ,,

سلمت وصح لسانك يابطل ,,

سلامي ومحبتي