المشاركة الأصلية كتبت بواسطة الجوارح
فوق المؤشر وفتح السوق واغلاقه
وتحليلهم للنزول ورفع الاسواقي
والناس للبورصة تركض ومنساقه
ناس ٍ تأمل وناس ٍ كله ارهاقي
انا اتطرى حسين اللون واخلاقه
الطفلة اللي معه عذب الغلا راقي
دقت على الهاتف الجوال مشتاقه
وانا قبل تتصل تلعب بي اشواقي
له بسمةٍ من دلعها تعكس اعماقه
وانا على اعماقها تسبقني اعماقي
بادلتها الحب بالازهار واوراقه
واذا تمادى غروره تحرق اوراقي
يانكهة الحب يامعناه واشراقه
ياوردة فتّحت من بعد الاشراقي
اهديتك القلب ورد وكفّي الباقه
الا خذيتيه مني مابقى باقي
تستاهلين الغلا ياقمة اذواقه
ياروعة الكون في عيني وباذواقي
القلب والشعر والمشتاق واشواقه
كله فدى ضحكتك يامنتهى اشواقي
هنا شعر راقي جدا
سلمت وصح لسانك الجوارح ولله درك
لك كل الود والمتابعة
أخوك