بصراحه .. صعب تلقى شاعـر ٍ يغريـك قافـه
وسهل تكتب : يا سلام .. أبدعت .. ياعيني ياعيني
يلزم الابداع .. شطحة فكـر واحسـاس وثقافـه
انطلاقـا ً مـن قناعاتـي ومـن قــوة يقيـنـي
والأنيق كلاش .. دون أضواء وإعلام وصحافـه
نجم شعر .. بـلا تكلّـف واتمعّـن فيـه لينـي :
أكتشـف هيبـة مـداره وأبجـديـات إختـلافـه
كود تكتـب لـي يمينـه فكـرة ٍ طافـت يمينـي
لي ثمان شهور والإحسـاس مـن قسـوة جفافـه
يستغيـث بخايـع الفرقـا مطـر غيمـة حنينـي
لين ضاق الصدر حيره مـن ضفافـه لا ضفافـه
والنتيجـه : دمعـه وخبّيتهـا بيـنـي و بيـنـي
لجل من طوّل غيابـه والعـذر طـول المسافـه
واحدٍ عقلي موسوس بـه .. يبينـي مـا يبينـي
كل شي ٍ فـي الحيـاه يطـاول الأنفـس تعافـه
وهـوّ مـا ودّي ينـام إلا علـى راحـة يدينـي
قالوا انسى .. قلت لو انساه كيف انسـى عفافـه
قالوا سافر .. قلت كيـف اسافـر بليّـا سنينـي
والسفر ماهوب ( تلويحـه وترحـال وكلافـه )
السفـر ( غربـة زمـان ٍ غيّبـه قـدام عينـي )
الرجل الشاعر النجم الاخ .. محمد بن جارالله السهلي
والله انك ابدعت وابدعت وابدعت
ومن العوامل المشتركه بين الطرفين في هذه المجاراه .. الاناقه والابداع الراقي ،
سلام الله عليك وبانتظار المبدع الكبير كلاش ،
|