ياقلب ياللي كلما هزّيت بالنّبظه وريد
سيّلت دمّ جروح كنت اظنها متشاويه
ماانته ياقلبي في شقا الدنيا على الدنيا وحيد
كم من صدورٍ في حناياها المواجيع آويه
لكّن مادامك نبيه وما تخاويلك بليد
ماترجع كفوف الدعاوي من جنابك خاويه
افطن لصوت اللي طروقه عند هوجاسه عبيد
الصاحب اللي له بجوفك مثل ملك معاويه
في جمجمة راسه خلايا مخّ هارون الرشيد
والحنكه اللي ما تجمّعها رواية راويه
اغنم يبوعيضه نتايج فعل سيف ابن الوليد
وانطل بروسٍ ما تجيب الحق فقرب حاويه
لوكان جمهور الرديه كثر جمهور العميد
والله لتمرح كلها وقت الله الله طاويه
لكنّ وش محصوالامه من عبيد الجنجويد
اكرم لنا نترك مسار الغاويه للغاويه
فالصقر للروس المنيفه والحمايم للجريد
هذا احترف فلج النحوروذي مجرد هاويه
وانا كان ودّك نخرج الموضوع من باب النشيد
علة جناجين الذبابه من بعض متداويه
الله الله الله
الله الله الله
الله الله
عز الله ابدعت يابو راكان ..
صح لسانك مليون
الله لايضرك على هذه الروعة ..التي ليست غريبه عليك
تحياتي لك يابو راكان ...ويشرفني مجاراتك لي ...
اخوك المحب
|