لابـاس ياشاكـي الأوضـاع لابـاس
لـو إن بعـض العلـل صعـبٍ دواهـا
ماقلت لي وش بقي واتـدق الأجـراس
دعـواً ليـا الحيـن يمكـن ماعلاهـا
وإن تسان شفت الخبر منشور في واس
أهـل الغثـاء الله يكافيـنـا غثـاهـا
أحـدٍ حياتـه كمـا بـنٍ بمحـمـاس
يابـو محـارب حــروبٍ مـاوراهـا
وأحدٍ حياتـه سـوات التلـج فالكـاس
واللـي كتبهـا ؛ لابـد إنـه قـراهـا
وكليب ماكان يخشـى غـدر جسـاس
وألاّ مايمـدي السحابـة طـاح ماهـا
لوقلت ماقلت .. يبقى الوضع محتـاس
ياليـن تـاصـل قضيّتـنـا مـداهـا
ياسلام عليك يارائع
هذا وانت مشغول كيف لو ا انك فاضي
ماشاءالله عليك يابو عتيق
تقبل تحيتي
|