مازلت اعيش البداية واحضن أحلامي
مابين مر الزمـان وزيـف عوّانـه
ايه انت صادق وانا جاريت الايامـي
اقدح من الوقت وأشعل نار صوّانـه
خاويت الانداد ماخويـت الاقزامـي
والطيب لاهل الوفا شرّعـت بيبانـه
سامي بتوفيق ربّي والهدف سامـي
متجـود ٍ فـي حبـال الله سبحانـه
الكبر ماهـو بلـي والنـور قدامـي
في قصر معمور راسي شامخ اركانه
مالدّ للخلف انـا ياحضـرة الرامـي
رمي القفـا للقفـا نـاره ودخّانـه
وان كان رمي القفا في طبعك الزامي
ترى مكاسبك منها غصـن ريحانـه
مايوم تثبت عليّـه عضـة ابهامـي
واللي عثر عثرته جاته من السانـه
ياعم بعض البشر ماحطـه احزامـي
اليا نقص وارتخـا واختـل ميزانـه
الفشخرة في المجالس فيـد هدامـي
عربيد مهزوز مالله مصلح اشوانـه
وانا البداية صحيح بصادق احلامـي
رغم الزمان الغثيث وزيـف عوانـه
الله الله الله ياسلام
شكرا لشاعر القديرعواض عبدالرحمن الشهيب :على هذه القصيدة الرائعة قصيده جزله وشامخه صح لسانك
تقبل تحياتي وتقديري
أخوك/ حسين الدوسري
|