منتديات المرقاب الأدبية - عرض مشاركة واحدة

17-05-2006, 01:34 PM

صدقونى.... ليا منى هرجت..الصحيح
شفت عبداللة واقف لة على باب دار

لاحصل شى من قصدة........ولا مستريح
كل ماشاف قبة..........قال هذى مزار

المسعودى

من يصدق كلامك يالبخيل....الشحيح
والبخيل الشحيح يمدها..باليسار

احرم اللة عيونك من عيون المليح
تنوى الصيد وانتة ماتحق..العيار

مستور

علم مثل الحجر ماهو بسكر..يميح
وانت خير لك من درب الجحيد القرار

يابن مستور علمنى وخلك....صريح
كيف تجحد كلام مثل شمس النهار

المسعودى..

انت منت الطبيب اللى يداوى..الجريح
انت مجروح فى نفسك وتكوى ...بنار

من يعلمك ياللى بالسراير...تبيح
تحسب ان القنا والسيف طبلة وطار

مستور..

عذبتك الليالى ياللسان الفصيح
كل ماشفتلك طير من العش... طار

اخر الوقت اظنك فى مصيبة..تطيح
يفقدونك هذيل اهل الكرم..والوقار

المسعودى..

انت جتك النصيحة من عميل نصيح
مار ماخذتها بين الضلوع القصار

ياعتيبة توحو فاالعتيبى..يصيح
كل ماشاف لمة شال ثوبة..واغار

مستور..

زندك اللى من اول كان يقدح قديح
والعشية مولى ما يجيلة ..شرار

شب نارك تحت قدرك لعلة يفيح
والدلال المنحر..زيدها بالبهار

إحدى المحاورات الخالده بين الفذ مستور العصيمي الله يعطيه الصحه ..
والداهية عبدالله المسعودي .. رحمة الله عليه

كنت اقراها اليوم وبالصدفه لفت انتباهي البيت الملوّن .. !!

وش رايكم