[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ما دريت ان القلوب العاشقه حساسه=لين من وثقّ قيادي حطـّني في كمّه
.
.
شالني والحب ذعذع واحتمى نسناسه=والعهد بيني وبينه ما تبور الذمّه
.
.
واحد ٍ طوّع عنادي قبل اليّن باسه=والجوارح كلبوها بوصلتها يمـّه
.
.
أتجمّد فوق صمته واحترق بانفاسه=واتبخر من هيامي وانثره والمـّه
.
.
كل ما ابلش في علوم عيونه النعاسه=اتغزل فيه واسرق كلمته من فمّه
.
.
والكلام اللي في صدري لو تدق اجراسه=حرف حرف احسب حسابه قبل اجيب مطمّه !
.
.
امتحنيّ في غرامه مير يسلم راسه=يكفي أنـّا في المحبه معتلين القمّه
.
.
جلّ من خلاّه يفرق عن جميع اجناسه=ما يرجـّح ثقل عقله غير خفّة دمـّه
.
.
ما تقول الا مدبّس قلبي بكراسه=عقب ما سجلّ عليه ملاحظات مهمّه[/POEM]
ياسلام ياسلام
تطربنا دائما
صح لسانك عدد حروفها
|