بسم الله الرحمن الرحيم ،،،،



وسلامٌ منه عليكم ورحمةٌ وبركـات ..



قديمــه .. مجـدّده !


وأقول فيهـا :



يابن العرب ياتابعٍ موضة الغرب
ـــــــــــــ وين السلوم الطيّبه والعوايـد
وراك ماتابعت نورٍ على الدرب
ـــــــــــــ وطبّقت ماجاء فالسنن والعقايد
وشنيت فوق إبليس واللي معه حرب
ــــــــــــــ حتى تهيّا لك جميع الفوايـد
وتامن نهار الحشر من شدة الكرب
ــــــــــ يوم العمل بالوزن .. ناقص وزايـد
إن تسان تبغى العز والمجد للعُرب
ـــــــــــ وبعدٍ عن أصحاب الفتن والنقايـد
خلك مع دروب الذرابه تجي ذرب
ــــــــــــــ ولاتروم ألاّ وساع البنايـد
مْن الصحاح اقرب .. ولاتقرب الجرب
ـــــــــــــــ ولايغرّونك كبار الموايـد
المرجله ماهيب بالأكل والشرب
ــــــــــــ وألاّ بتاليف القصص والقصايـد
المرجله تبقى مع البعد والقرب
ـــــــــــ ضلعٍ على الرخمه ؛ معدّاه تسايـد
يمشي بها الرجال .. وتصير له درب
ــــــــــــ ويفرق بها عن لابسات القلايـد


:
:
الله الله وسلامتكم,,,عبدربه

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348