ياموزع النعـم خـل النعـم لاصحابـه
ـــــ ماينعطـي غيـر لـلـي يستحقـونـه
النعـم ينعطـي لرجـلٍ فاتـحٍ بـابـه
ـــــ للضيـف وليـا بغـوه بحـال يلقونـه
اللي بوقـت اللـزوم يبيـن مضرابـه
ـــــ سيـف تحـده لـزومـه مايحـدونـه
والاالردي لاتقول ونعـم يظـرى به
ـــــ يرهي على نعم وهـوه قاصـر ٍ دونـه
ليا قلت لـه نعـم قـام يفتـل أشنابـه
ـــــ يحسبك صادق ما يدري نعـم وشلونـه
بعض البشـر يحلمـون احـلام كذابـه
ـــــ ومن لاعرف قدر نفسـه عـدّ طبلونـه
لـ رشيد الزلامي
|