|
صكات المقادير .. !
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا قو صكّات المقادير قوّاه = ويا ضعف من لا يحتسبها على الله
.
دام الزمن مبداه في جنب مثواه = يغنيك عن ثلثين ما فيه .. كله
.
وانا الحزين اللي ظروفه تحداه = وايّات دمعٍ فالمحاجر .. تهله
.
كلٍ يقول الموت حقّ .. وعرفناه = لكن حزن الفقد .. طبع وجبله
.
اي والله اني فاقدٍ .. من سجاياه = تحمى مواقيفه .. وتملا سجله
.
لحّفته البيحه .. ولحّفني الآآه = ولا بقى الا رحمة الله .. وظله
.
خلوني احزن منه .. واعيش ويّاه = ما دام قلبي نار .. والصدر مله
.
عسى السحاب اللي تلاعج ثناياه = يرخي هماليله عليه ويحله
.
90 ليله .. والقبر ما نشف ماه = يسقي رياحينه وشيحه وفله
.
لكن يا مركاه وشلون ابنساه = بالله يا مركاه .. تكفى وقله ..!
.
ما يضعّف الرجال ويشلّ يمناه = ويدكْ في صدره .. ثمانين عله
.
الا لا طاح الشوف من دون منصاه = وقفّت به الايام .. واخلا محله[/POEM]
|