[POEM="font="Simplified Arabic,5,royalblue,bold,normal" bkcolor="transparent" bkimage="./images/backgrounds/.gif" border="none,4,gray" type=2 line=0 align=center use=ex num="0,black""]للتواصل..

أتمنى أن ترتقي لذائقتكم ..

صوتك دلع ..صوتك ولع ..صوتك إحساس =يعني :من أوّلها سحرني كلامك
جديد ماعمري سمعته مع الناس =عشته بأحاسيسي من أول سلامك !
لفى على صدري من الغرب نسناس =صادق وفاك ..ورقتك ..واحترامك
لمست صدقه ..قلت للقلب:لاباس =جرّب إذا هذا يثير اهتمامك
وقبل تجرّب هاك للدرب نبراس =منّي ..واخذني بالشدايد حزامك
(الحب طب القلب ..لكن وجع راس)=وأنت المخيّر بينها في هيامك
إن همت حذرا ترتدي ثوب بلاّس =الصدق يرفع عند غيرك مقامك
اترك وضوحك ساس تبني على ساس =وعن بوح مابك لايطوّل صيامك
مادام عندك من ورى الصدر مجلاس =طيّر على أبراج النوايا حمامك
وإن طرت خذني بين ردّات الانفاس= وقفه ..للتغير ارتباكة نظامك
يمكن بربكتها تقودك للاتعاس!= ويمكن تعيش أحلا ليالي غرامك!
يمكن ! ..ويمكن..هات للوضع مقياس =ولاّترى ماعاد باقي أمامك ..
إلاّ تمرّالدرب طرقي ..وعسّاس = لحظات فيها راحتك ..وانسجامك
على الوفا ..ماهوعلى درب الانجاس =اركد ..تراك اشغلتني في خصامك
بكره تذووق الشهد من دوون حرّاس =ويطيب حظّك ويتحقق مرامك
للّي على حلو اسمها تقفل أقواس =نوره ..يبّددلك زوايا ظلامك
واللي لضحكتها تفاصيل الاعراس =لمحتها يوم استباحة حرامك
تاخذخيالك بين حيره ..وهوجاس =حتى تغنّي للوجود انعدامك
تتخيّل إن عيونهاسووود نعّاس =وتلعن على حدّ الرموش انهزامك
وتتخيّل إن خدودها يوم تنباس =من طرقة الشيله سبب لانقسامك ..
مابين شفّتها لمدلوق الالعاس =تخفي ملامح دهشتك بابتسامك
وتمرّ نظرات على حمر الاطعاس =وتلمّ شيحه ..ويتنفس خزامك
في وقتها تروى معاليق يبّاس =وينبت كلامك في بقايا حطامك
وترسم حديث الحب ريشه ..وقرطاس =عينك ..لاجل عينه تحارب منامك
ومهما يكون الرد ..خابرك قرناس =وإن شفت فيك ..وفيك ..عندي خطامك
عزّه ..وربي ماتثمّن بمقياس= تطفي فضولك ..في حنين احتدامك
وتشعلك للآمال في ظلمة الياس =ماكنّك إلاّ البدر ليلة تمامك
آخر كلامك ..العين لاتطري نعاس =باقي طلب بعده تجرّدحسامك
حتى يتمّ اللنور في فيض الاحساس =عطني على هذا الكلام التزامك

تحيتي ..

أبوشاهر
[/POEM]