مبارك آل خليفه

هذولا يا احمد دكاترة السهل الممتنع


وعرفهم اخوي فهيد


وهم ما يحتاجون تعريف


لكن طرى علي بيت لسعد الله يرحمه


كان ضيدان منوّم في المستشفى وزاره سعد ..

قال يا ضيدان الحمدلله ان عادك حي انا لامنك مت بارثيك لكن ودي انك تسمع مرثيتي فيك عادك حي

قال ضيدان ايه سمعني خلني ادري وش بتقول ؟

قال سعد


عسى النفل ينبت على قبر ضيدان ,,,

قال ضيدان بس بس لا عاد تكمل

النفل بتاكله المعزا وبيغدي قبري مرعا بس بس كفيت ووفيت لا عاد تقول شي



ومن طرايفهم يسولف سعد الله يرحمه يقول :


جا يوم من الايام الصباح وبنشرنا ووقفنا عند بنشري ومعي ربع دينار كويتي 250 فلس والتفت لقيت مطعم قلت بجيب لي ولخويي شي نشربه

راح سعد وشرى حليب شاهي ب 150 فلس و شاهي ب 100 هو اصلا ما عنده الا 250 وعطا ضيدان الشاهي وخذا الحليب


قال ضيدان :

تطلب لي الشاهي وتطلب لك حليب __ وانا على الحليب كبدي ذايبه

انا احمد الله يوم منت بلي نسيب ___ ويقطع خوي ٍ ما يقدر شايبه


قال سعد ,,


تبغي حليب اطلب من المطعم وجيب ,, لاني بطالب لك ولاني جايبه

ازعجتني من يوم طرّيت المشيب ,,, واتعبتني مثل الوزير ونايبه

@mubarak_abdulla

Mubarak.alkhalifa@hotmail.com