منتديات المرقاب الأدبية - عرض مشاركة واحدة

07-07-2006, 05:07 AM

علّمـوا جلعـاد لاجيتـوه ياطرقـيـه
لايحسب انّه لحاله فـي نهـار الشـدّه
مصر والاردن وابو مازن وابو جنيّـه
حط خطفه في ظمايرهم سوات الغـدّه
كل منهم تقل خاطفةٍ حمـاس اوخيّـه
ماينام ولايجـي فـوق المخـدّه خـدّه
يعتـزون ويعلنـون العـون والعانيـه
والمفاوض يوصلونـه بالتحايـل حـدّه
لاانسهج وجه المعادي ساقهـم جاهيـه
وابلشوا جند الله المنصـور هاتـه ردّه
الله اكبـر ياعـرب يافزعـة العبريّـه
خنجرٍ يدمي هل الطالـه قفـاه وحـدّه
الخيانـه والعمالـه والسوايـا ذيّــه
ربما ياصل بها المسلم حـدود الـردّه
كم فلسطينـي بلاسبّـه تـراق دميّـه
وكم فلسطيني نفي من بيت ابو وجـدّه
وكم فلسطيني ببطن الكوره الارضيـه
وكم فلسطينيةٍ عـذراء لحقهـا ضـدّه
ماتحركتوا ولو من بـاب دفـع السيّـه
او على عين العرب حام الحمى من قدّه
ماتليـن قلوبكـم ويجيبـهـا حنـيّـه
لين ينثر دم صهيونـي وتكسـر يـدّه
اخسـوا الله لايكثـر منكـم الـذريّـه
يااهل الاسما الفاخره والحيطه المنهـدّه

ينصر دينك يامحمد ..

اقسم بالله اني سجلت دخول عشان ارد عليك ..

مشاعر مسلم غيور .. ولاهي غريبه عليك ..

محمد ..

تبقى احد الاسماء العالقه في الاذهان ومتصله بالابداع ..

لله درك وصح لسانك مليون ..

محبتي وتحياتي