خالد الحصيّن

زمان يا شعر

[FRAME="13 50"][POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشوق عمره طويل ولا على الصبر زود = وان طال عمر الجفاء جف القلم والكلام
اخايل الشعر وبروقه حديث الرعود = ويسمي الخير وجروحي حديث الظلام
ما اقول صدري هو اضيق صدر في هالوجود = لكني احس بين ضلوع صدري غرام
ااعيش جو السعاده بالدعاء فالسجود = لا طرف الليل ثلثينه وعز المنام
الله يخلي لقلبي ضحكة اربع ورود = ويرد لعيوني الظميا سمي الغمام
انسان واملك من الاحساس فوق الحدود = لو لحقوني على احساسي عتاب وملام
عالم لك الله يافيهم غزارة برود = مدري برودة وجه ولا برودة اعظام
طبيعتي لا انكشف ستر الزمن عن جحود = اقابله بابتسامه واتركه باحترام
وان طق صدري رفيقي من عناه محدود = ابشره بالسعد قدام رد السلام
وان قال وشلونك وحالي حبيسة قيود = اقول له طيب وكلش على مايرام
ممنون الايام لا هانت عيون الحسود = لا طولت بالها حظ التناهيد قام
لو للمقادير مع وجه البن ادم وعود = ان كان مرت مصايبنا مرور الكرام
لكنها حكمة الله والنصيب معقود = الله يديم السعاده في وجيه الانام
ياليت شعري ,, الا ليت الليالي تعوود = يوم التجافي دقيقه كنه فراق عام
اسألك باللي جعل كلك رهاوة عدود = لا تبطي عيوني الثنتين منها حيام
شفني عدو الرقاد اللي جفوه الرقود = الا السهر له على عيني مضارب خيام
صدقني اني فقدتك والجوارح شهود = ارجوك لا تعتبر بعدك سبيل انتقام
أي والله اخطيت في حقك وجيت مهدود = والعذر في ذمتي ماهوب قد المقام
اخطيت والبعد يوجعني ولا انت محدود = تحط بيني وبينك فالمحبه نظام
لو الخطاء بين خلق الله جزاه الصدود = ماعاش في هالزمان الا ّ عيال الحرام
عشت الغلا في شبابه لا تخليه عود! = العود ما يطلب الله غير حسن الختام
يارب قرّيت عيني منك باربع ورود = لاتحرم عيوني الظميا سمي الغمام[/POEM][/FRAME]


الله الله الله الله الله الله
الله الله الله الله الله الله
الله الله الله الله الله الله


نسخه كامله لهذه الدرّه
رغم انها مليئه بالفلاشات .. التي اجزم بانها ستبقى في ذاكرة الشعر
ولكن التسلسل العجيب والمتقن ( والمتعوب عليه ) هو سر روعة هذا النص بالدرجه الأولى
وهو ما دفعني ان انسخه كاملاً .. اعجاباً .. وحسب الذائقه ليس الا !
/
تعمّدت ان التزم الصمت عند سماعها !
لسببين :
1- عدم التمكّن في صياغة التعبير المنصف الذي يرضي ما يجول في صدري !
2- توفير المكالمه الدوليه على صاحب هذه القصيده ( دايم وجواله مقطوع .. والسبه انا )


باختصار :
كلاش .. ستبقى احد اهم رموز المرقاب شعرياً
واحد اهم مصادر الجذب لاصحاب الذائقه .. الى منتدى المرقاب !
/
/
وللعلم : والله الذي لا اله الا هو .. ان المجامله بعيده كل البعد عن ما ذكرت اعلاه !
واعتذر على الإطاله .





اخوك /
وأحد جماهيرك

khalid@mergab.com