انكتب وجه التعاسه علـى وجـه العـروس
عـقـب دورات الليـالـي درج دولابـهـا
انكشف وجه الحقيقه وصـدر العيطمـوس
والتـوا حبـل القضيـه عـلـى طلاّبـهـا
في جسدنا خنجـر السـمّ بالسـمّ مغـروس
تلمض الحيـه وسـم العطـب فـي نابهـا
لو حبسنا دمعة الغبن فـالجفـن الحبـوس
تنغرز في الكبـد سهـم القهـر وحرابهـا
والصراحة لو تضمّن وتوضع وسط قـوس
شرهـة اللحيـه تقنّـع طـوال أشنابـهـا
ما بقى من مجدنا غيـر تذكـار البسـوس
كبـرت العلّـه وضـاع السنـع باطبابهـا
دندنة حرب النصارى وغنـي يـا مجـوس
ابهلـو ديـس الهديّـه وجــاء حلاّبـهـا
نصف قرن من الضحايا وتلقيـن الـدروس
ما شفع لابـن العروبـه فصيـح خطابهـا
وإن رفعنا الطرف والراس فـالذيب الفروس
تشتعـل نـار القضيـه عـلـى شباّبـهـا
كل ليـل نخيّـل المـزن ونـدز العسـوس
لين ضاعت طاسـة المـاء علـى شراّبهـا
ما كتبنا من زمنا علـى بيـض الطـروس
غيـر ميقـاف المهونـه وحنـا اسبابهـا
ينصر دينك يابو سمره على هذا النص الصادق ..الوافي الكافي المعبر
إبداع غير مستغرب ..وشعور ملتهب ..بالغيره على شرف الأمه
.
عبرت عنّا جميعاً ...بنص مخلّد فعلاً ..
صح قلبك ..ولسانك
.
.
متابعتي
.
.
تحياتي وتقديراتي..
|