السلام عليكم ورحمة الله وبركاته"""""

اقدم لكم قصيده لشاعر / محمد بن علوش


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يانفس لا تزعلين ولا تضيقين= منتي بنفس(ن) من انفوس الصحابه

لامن لقيتي ربع ما تستحقين=من واحدِ مرجلة راسه هبابه

مثلس يعذره وذى طبع المساكين=في كل ديره طبايعهم تشابه

تحمدي دامس ابخير(ن) لا ذلحين=غيرس حداه الزمان ايلين جابه

انتي تعشين فالواحد وعشرين=قرنن عسى الله يعدينا مصابه

دامس خلقتي وعشتي عام الالفين=انسي خراج السحابه والسحابه

خليه لابليس واعيال الشياطين=ألين يفتح لس الرحمن بابه

مهما تشوفين ماكنس تشوفين=حتاس تنجين من جو الكأبه

هذا عصر تختلف فيه الموازين=فيه التقي ينقلب ريّس عصابه

عصر(ن) هله والله ان ماهم بصاحين=دام اختلافه وصل حد التشابه

عصر(ن) هل الدين فيه اتهمش الدين=ينذر بيوم القيامه واقترابه

عصر(ن) ويملك زمام اموره اثنين=واللي بقا مثل مذنة الخرابه

يامشين الشين لا زيّن وهو شين=ولا قامت النفس تجلب له اجلابه

والله ماحن ذلان ورديين=حنا رجالٍ لنا عز ومهابه

وشلون نحمل مسما إنّا مسلمين=ونسيرنا بأسم مايحسب أحسابه

حنا المسلمين واسلاف النبيين= اهل الكرم والشجاعه والصلابه

الصايمين المزكين المصلين=ذرىً ينجي وينجي من لجابه

وراثة الدين واحافد السلاطين=تاريخ ينبيك عن شيبه شبابه

انكانها بالعدد حنا ملايين=حنا هم اللي لا قالو يندعابه

والله مايضحك من ادموع باكين=رجلن يخاف الله ويخشى عقابه

الخشم لالطم اكيد ابتدمع العين=حتى لو انه سبب مابي ومابه

اما حيات(ن) نعيش ابها عزيزين=ولا معاش(ن) واخّير ألنا ذهابه

العبد له يوم مال العبد يومين=كل(ن) ويومه مسجل في كتابه

وعدٍ من الله ونصر(ن) لو بعد حين=مدام معنا ملايكتن تهابه

متا ومن وين يالامه على وين=يامن لكم دعوة الله مستجابه[/POEM]

....


..