منتديات المرقاب الأدبية - عرض مشاركة واحدة

22-08-2006, 11:34 PM

يقول الدكتور .. الله يشفي له ابنه ..

اللي ثلاث أيام في قسم الأطفـال
لا يآقف الدكتـور بينـي وبينـه
على سريره كل ما شافني قـال
بابا .. وسال الدمع من نون عينه
أجيه وفي قلبي من الضيق سلال
وأمسح على راسه وأقبّل جبينـه
يوّن ما يدري وش اللي برا الحال
وسلك المغذيّ ناشب ٍ في يمينـه
أبكي معه بسكات والدمع همـال
الله يطمنـيّ عليـه .. ويعينـه
طالبك يا منزل تبـارك والأنفـال
تضفي عليه العافيـه والسكينـه

تضامنا مع دكتورنا وبناخينا ..

عسى المريض اللي له ايام و ليال
تضحك له الدنيا و تضحك سنينـه
يفصخ لباس الباس في كل الاحوال
ويمدّ عمره فـي رضـا والدينـه
ويصير درع ابوه لاصـار رجّـال
عساه حصن من الحصون الحصينه
يالله تعين اللي عليه العنـا طـال
وتقبل دعاه اليـا رفـع راحتينـه
زينة حياة ابن آدم الابن و المـال
لا صار لابن آدم مع الوقت زينـه

رد رحيّم على سداح ..
.
.
الله يشفي ابنه يارب ويقومه بالسلامه ويشوفه رجال مثل ماقال رحيم
ابيات تعور القلب وربي

بس بعرف انت ليش مبتسم يارحيم ؟؟