[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تقول شعرك كلاسيكي وتقليدي = كله على نهج لعبوني وهزاني
ما قط قريت لك تفعيله وتجديدي = ولا تطور الشعر مثل فلان وفلاني
بعصر الزناتي تذكرني وأبو زيدي = وعصر البداوة وجدانك وجداني
هو صدق حبه تعدا الحد ويزيدي=متمكنٍ في فؤادك ما معه ثاني
قلت أيه أحبه مثل محبة الزيدي=لقاته ليا صار ضرمانٍ وعمساني
حبه تمكن بنا ياشيخة الغيدي=من صغر سني ملازمني إلى الآني
أي والله هوايتي ياتلعة الجيدي=شعراً يجي واضحٍ والبيت ملياني
افخر بشعرٍ مضا من دون تحديدي=في نهج هاك السلف راضي وقنعاني
أعجبك والا مع اوساع الجراهيدي=محدٍ بجابرك بأسلوبي وقيفاني
حلفت عن نهج هاك القوم ما حيدي=شعر الاصاله مثل دمي بشرياني
شعر الجزالة مثل ضرب البواريدي=له عدة قرون راسخ وسط الاذهاني
مالي ومال الحداثة والتراجيدي= وشعرٍ يجي سامجٍ ماله ولا اوزاني
على جماهير كوره تعكس السيدي=مانيب يا خدرة الأعيان شفقاني
القاء حشيمٍ حكيم بشعري يشيدي=وليا حفظ منه بيت أصير كسباني
مانيب ملزوم بعلوم الهرابيدي=أنا على لان وأجيالك على لآني
قلته على شطر بيت الشاعر عبيدي= الضيغمي ناطح البيرق كحيلاني[/poem]