ورقه من اوراق الارشيف وجدتها في طيات الزمن ( يمكن تنفع انشرها او لا الرأي الاول والاخير لكم )

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]عاشر سنه مرت وانا ما نسيتك "=" عاشر سنه عايش على صوت ذكراك

عاشر سنه مرت وانا ما بكيتك "=" عجزت اميّز بين صدك وفرقاك

قلي بعد ذيك السنين إش عطيتك "="قلي وانا ارسم بسمتي في محياك

يوم إذكروك البارحه ما طريتك "=" كنك زرعت بصدر الايام شلفاك

مابين صفحات الليالي لقيتك "=" صوره قديمه بروزتها خطاياك

ياللي عنيت ولا ذكرت وجفيتك "=" جرحي على خبرك من سنين ينخاك

كنك تقول لسالف العمر جيتك "=" وانا آتحرى بس ضحكة ثناياك

ياقو قلبك اشهد اني هويتك "=" ويازين حظي يوم جبتك من اقصاك

يطري علي احيان اسمك وصيتك "=" واضحك على نفسي اليا حل طرياك

اقول انا وينه / اليا من بغيتك "=" رجعت اقلب في خطاياي والقاك

ما بين / يمكن / او / تواريخ / ليتك "=" اركيت رمحك واشتعل صمتي حكاك

ذكرتهم وجه الطفوله وبيتك "=" ونسّيتهم حرف ٍ كتبته ولا جاك

يوم الشوارع تنحني لي بنيتك "=" مابين كراسّ المشاعر والافلاك

اكره دقايق غربتي في مبيتك "=" واعشق ثواني جرحنا يوم لقياك

ماكنت احبك مثلهم لا سليتك "=" كنت آتحفّظها انا / اهواك / اهواك

ومدري ذكرتك والا انا مانسيتك "=" عاشر سنه مابين هجرك ولا ماك

اهواك يمكن يوم راحو بكيتك "=" يوم اشتعل في صدري اليوم ذكراك [/POEM]


ولكم خــــالص التحيه


اخوكم / سلطان