حسن علي الهاجري

تدرَقي يالباينه في الرجا درق
ارضٍ تسيل وفي سماها بروقي
على طريق الشوك ماناحت الورق
وانا على الاشواك ناحت طروقي
الطرق لو يشكي على بادع الطرق
تستعطش ألحانه موارد خفوقي
البارحه عينه على نايض البرق
واستعذبه قافي ودافي عروقي
شفت النجوم اللي تعداه من شرق
وانا سواة اللي يغيب ويفوقي
لوني غرقت ومابعد غرقتي غرق
محدٍ رحم عيني ودمعي وموقي
اونست في كبدي من الكايده حرق
والموت دون الذل سبقٍ لحوقي
عيّنت من يضري على مهنة السرق
اللي بليّا حق ياخذ حقوقي
اللي زرقني في سهوم الهوى زرق
ماني معاتبته على شان بوقي !
بيني وبين الناس يالباينه فرق
ارضٍ تسيل وفي سماها بروقي


الله الله

صحيح ملاك الشعر اسم على مسمى والله يا المبدعه

واشهد انها ما هي في خير اللي ابتلشت واسرقت منك

الموت كانك شفت في عيونك الموت= وترجع شريط الذاكره في ثواني

وكل ما عملته في صحايفك مثبوت = ان كانها سيّات والاّ حساني

واعلم لا فات الفوت ما ينفع الصوت = يا عبد لا يغريك ما كان فاني