ياهجوسي دفتر الشعر وهمومـه
انتشت وانا على صهوة حصانـي
جاوبيني والمقاديـر محسومـه
ما تفيد بها معارف ولا اعوانـي
قمت لكن قومتي ماهي القومـه
اجبرالمكسور واكوسـر الحانـي
غيرها ماعندنا بحـر ونعومـه
دام حالي طيّب تصـحّ يالسانـي
جبهةالاسلام للذبـح موسومـه
لجل مايغلط بها مقصـل الجانـي
انبرى الشيطان يستجمع علومـه
ويتخمّش راية الحقّ مـن دانـي
لعنبو (البابا ) وظلفه وزلقومـه
مذنب وفاجر وعاصي وعدوانـي
قلّته في عمّة الشّرك معمومـه
يايهـودي يايهـودي ونصرانـي
غير ماله لوم لو غالط رقومـه
دام وانّا بيـن نايـم ونعسانـي
نطلب الله شهرنا الجاي ونصومه
مايجوز الشرّ في شهر الاحساني
لين نتعـدى هلاليـه ونجومـه
ثم ننسى جرحنا في حرى الثانـي
اثرقلب الدين ماعاد لـه ثومـه
انفضخ قلبه علـى كـل ميدانـي
والبقايا الباقيـه منـه مكلومـه
لجل ما تنبض بالاحساس الايماني
ياصلاح الدين طاحت به عزومه
من يد ارهابي وبعثي وعلمانـي
مات ليث وعاش فيلٍ بخرطومـه
مخه امريكي وراكبـه سستانـي
انفلت لاعـزّه الله علـى قومـه
ثـم جندلهـم عراقـي ولبنانـي
لين قام ابن الفخر ينزع هدومـه
بئت بالخسران يالهـادم البانـي
يوم تتجرى على الدين وتسومـه
لا ورب البيت لتبيـع خسرانـي
لا تعاين كندليـزا وهـي بومـه
قرنست لين اصبحت طير حوراني
غير وان طارت لها يوم مهزومه
هي وبوش وقوته وانت يافلانـي
كعبة الاسلام ماهيـب مهدومـه
مايجيها شـر والوعـد قرآنـي
دار ابومتعب بالاخيـار ملغومـه
وان تخليتوا ياجعل الردي فانـي
عليكم السلام ورحمة الله وبركاته
ثانياً
صح السانك
ثالثاً
لعنة الله على كل من اراد الاساءه لديننا الحنيف
رابعاً
جزاك الله خير
خامساً
انت برد قلبي
من خلال تصريحه وبدايته وانا شاب ضو عليه
لعنة الله عليه
والشعر اذا ماكان ذلحين يجي وفي الامور ذي وش لنا بالشعر
نعم هذا الشعر الرائع الجزل الذي يستخدم في الدافع عن الدين
وعلاج القضايا
سعدت بك
|