السلام عليكم ورحمة الله وبركاته.

يسرني الاشتراك معكم بهذه القصيده المتواضعه في هذا الصرح الشامخ.

ارجو ان تجد استحسانكم.

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهواجس تشعف القلب مع وقت الـزوال=وإن ضوا ليلي بقلبـي تشـب ضويهـا
مع غروب الشمس تشرد بتفكيري لحـال=كنهـا تبحـث لمعنـي وانـا معنيـهـا
وقعها مذهل يفـوق الحقيقـة والخيـال=لو بغيت اجحـد ضررهـا قويـاً كيهـا
فالضماير جرحها جرح سيلن عقب سال=منه غربـي المدينـة وصـل شرقيهـا
ما أذكر إلا حنت البـل وهوبـال العيـال=فوق قامـت عيلمـن مـا تكـف دليهـا
من صلاة الفجر عمال لين أقفى الظـلال=والضوامي فوقهـا مـا بطـل مسنيهـا
مير أنا شاعر وشعري ليا جالـه مجـال=أختلج فقصـى ضلوعـي ورى محنيهـا
لقحتبه بكرة الفكـر مـن بعـد الحيـال=وأنجبـت غيـداً تباهـا بزيـن حليهـا
فارسة لأحلام شاعـر يحـب الاعتـزال=كان مرضى ساحت الشعر وأشعل ضيهـا
بس ما يطفي همومي وأجي مرتاح بـال=وأقبر أموات الهواجيس وأطـرد حيهـا
لين أسج الرجل وادوج مع بيض العبـال=في مشاهـي هجمتـن يهتنـي طرقيهـا
جل ذودن يشرح البال ويغيـظ الرجـال=منه ناسن لـو تبسـم يبـوس شفيهـا
مارث الأسلاف يوم الرصاص اله اشتعال=والأصايـل عزلـت مـن ورا مركيهـا
أوله وإلا تواليـه مـن خشـم الريـال=شرهت الأسـوام مـا ينلحـق مشريهـا
زينها وإن روحـت كـن ياكلهـا وكـال=تستخف عـن البسيطـة ويكثـر غيهـا
كن فيها جفال لو كان مـا فيهـا جفـال=ليـن تركـب كلبوهـا علـى ركبيـهـا
بكرتن فيها تشوق النظر في كـل حـال=بالغـلا بلـوى عظيمـة وانـا مبليهـا
خشمها أرثم وأمها الطافحة صفرا الشمال=فاطرن فالصفر شوده مـا يوجـد زيهـا
راسهـا طافـح تقـول يتطـلـع للهلال=فاهقن فاعلـى حجبهـا مـرودم نيهـا
وإن نهمها راعي الذود والمشوار طـال=فوق مردفة القصيصـة تـرص لحيهـا
ساعتن معهـا تنسيـك غربـال الليـال=كل مـا داجـت ديـارن تهـول خليهـا
رغبتي وإلا قناعة ضميـري راس مـال=اتقـرب جيـد القـوم واتـرك سيـهـا
واتعامل مع هل الطيب وافيـن الخصـال=وآخذ أريا طيب النـاس وأتـرك عيهـا
شرهتي ما تسند إلا على روس الرجـال=ملتفت لوجيـه بـرق العبـي وعبيهـا
وأتكيف وأشرب الكيف من صفر الـدلال=وأمتثل للشجـرة اللـي طويلـن فيهـا
ما يفوز اللي عن الدين وأهل الدين مـال=والسعـادة نفـس مـن نالهـا وهنيهـا[/POEM]