الهواجس تشعف القلب مع وقت الـزوال
وإن ضوا ليلي بقلبـي تشـب ضويّهـا
مع غروب الشمس تشرد بتفكيري لحـال
كنهـا تبحـث لمعنـي وانـا معنيّـهـا
وقعها مذهل يفـوق الحقيقـة والخيـال
لو بغيت اجحـد ضررهـا قويـاً كيّهـا
فالضماير جرحها جرح سيلٍ عقب سـال
منه غربـيّ المدينـة وصـل شرقيّهـا
ما أذكر إلا حنت البـل وهوبـال العيـال
فوق قامـت عيلـمٍ مـا تكـف دليّهـا
من صلاة الفجر عمال لين أقفى الظـلال
والضوامي فوقهـا مـا بطـل مسنيّهـا
مير أنا شاعر وشعري ليا جالـه مجـال
أختلج فاقصى ضلوعـي ورى محنيّهـا
القحت به بكرة الفكر مـن بعـد الحيـال
وأنجبـت غيـداً تباهـا بزيـن حليّهـا
محيا السلات
حياك الله في منتداك والساعه المبروكه اللي سجلت فيها
وبدون مجامله مصافحه أولى جزله جزله جزله
صح إلسانك ياشاعر
وسجل متابعتي واعجابي
|