بنــدر

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا بعد روح روحي يا اقرب من القريب = ياغرام الطفـوله والصـبا والشـباب
لو تصـدّين مالي غيرك إلا الـنحـيب= والسهر والعـبايـر والندم والعـذاب
إن زعـلتي جعـل ماعاد يرضى حبيب = وان رضيتي جعل يـزعل كثير العتاب
غيرك إن غاب ما هزّ الحشا لو يغـيب= وانتي غيابك أقـسى من عذاب الغياب
كل حبٍّ عَـقَـب حبّـك مذاقـه غريب = كــلّ حبًّ عـدا حبّك سقط فالحساب
إن جرحني الزمن ما شفت غيرك طبيب= وان لمحتك تشاويت الظـما والسراب
كيف أفسر وتـفسير المحـبّه صعـيب= كيف يقوى السطر يشرح معاني الكتاب؟
حبّها الحب الأولّ فالـزمان العـصيب = وحبّهاالحبّ الاوّل في زوال الصعاب
حبـّها الواضح اللي لو ظهر ما يريب = أطهر من الطهاره وابيض من السحاب
حبّها الصادق اللّي في الورى ما يعيب = عامر وحبّ غـضّات الصبايا خـراب
يا بعد كلّ من رشّـت على الجيد طيب= يا بعد كل من تـزهى عليها الـثياب
أمّي أغلى على قلبي مـن اقرب قريب= وغيرها لا الطروش تهمنّي والركاب
إن شكت كنّ قلبي ينهـشه ناب ذيـب= وان بكت كنّ ذاك الناب ينهشه نـاب
جعل تـفـدى مواطيها سنيني واغيب= بين فـوق التراب وبين تحـت التراب
لا يمي في دموعي .. ماغزا الراس شيب= غير من كـثرة النشده وقـلّ الجواب
يا الله إنـّك لعبدٍ طالبـك تستـجيب = طلبة الصايم اللي ما حجبها حجاب
الطف بحالها .. هوّن على المستـصيب= واكتب لها الشفا واجزل لهـا بالثـواب[/POEM]



عزالله انك شاعر بمعنى الكلمه

صح لسانك مليووون


اخوووووك