سداح

قال فارس العصيمي :-

آلا واعذابـي يامحمـد بـزام اللـيـل
أضمّد جروح القلب وأذاود الدمعـه

تواردعلى فكري هموم ٍ تهـد الحيـل
تجيني سوىمع غيبة الشمـس مجتمعـه

تطارد بصندوق الحشا مثل قب الخيـل
أصارع غثاها من مسا السبـت للجمعـه

أخفي خبرها عن هل القال واهل القيل
ولا أكشف غطاها غير مع طيّب السمعه

وأنا في رجا الله ثم برجوى طلوع سهيل
قبل ضغط تيار العنـا يحـرق الشمعـه

متى يامحمد حسب ظنك يجينـا السيـل
عسانا نحـل اللغـز وتوافـق الرمعـه


ورد محمد زيد الثبيتي :-

عسى الله يساعدني على الرمع والتأويل
عسى اللون نفس اللون واللمعه اللمعـه

أبا آقف بوجه هموم فارس كما اليوفيل
وأجي لاطمع فيني رفيقي على الطمعه

بعد طالع الدكتور فـي ناتـج التحليـل
لقى حالة القايل مثل حـال مـن سمعـه

ترى النار ماتقدر على حرقة القنديـل
تشب الفتيلـه قازهـا مايجـي كمعـه

وترى السيل مسياره مع الذكر والتهليل
لمن قام نصف الليـل والـرب يستمعـه

مادام العصيمي يسكب الزيت فالبرميل
يبا يأخذ التقدير مـع جايـزة جمعـه !


مساجله بتروليه مميزه
والنسخه الاصليه في توقيع ابو مقبل ،،

>> هات و دوك ! <<