.
.
الوقت : قبل الصلاه وبعد صـوت الاذان
والحال : كلن يقدم يـده صـوب التمـر
يا مرحبابك ويا زينك يا شهر رمضـان
جمعت الاحباب في ساعه تساوي عمـر
معاد في شارع الزحمـه تحصـل مكـان
مزحوم ، حتى الممر شارع ما كنه ممـر
شوف الدكاكين لا دايـن ولابـه مـدان
اقفالها خام واحسـاس الحرامـي شمـر
رحمه من الله على الانسان في ذا الزمان
شهرٍ يذكره فـي وقـت الخليفـه عمـر
يوم انها في محافرهـا يصيـح اللسـان
ويكبر الصوت بأسم الله ومـا الله ومـر
كانوا يشقون بطن الارض كلـه عشـان
لا تنظلـم مسلمـه لا دمعـةٍ تنهـمـر
كانوا شجيعين لا نامت عيـون الجبـان
فقلوبهم سمروا حـب النبـي وانسمـر
كانوا يصلـون لله .. فالخفـى والبيـان
في بادي الشمس والا تحت نور القمـر
يتلون ما يسر الله من حـروف القـرآن
آيه ودمعـه وقلـبٍ بالخشـوع انغمـر
كانـت سواليفهـم يالله بنـزل الجنـان
كانـت سواليفهـم يالله بمنهـا ثـمـر
كانـت سواليفهـم يالله بطعـم الامـان
من شبت النار لين العود يصبـح جمـر
كانوا على حق يعطون الجزال السمـان
ماكانوا اللـي كـذا ديكـور فالمؤتمـر!
رحماك يارب من حال الضعف والهـوان
يالواحد اللي لجل رحمته احـج اعتمـر
تاريخ زاهر وتسبيحـه وبصمـة بنـان
شريط ذكرى لقيته وسـط فـذة تمـر!
وانت سالم .. الله لا يهينك
وافيه من اولها لأخره
صح لسانك
ولا فض فوك
اخوك
.
.
|