عاد وش يفرق عن السبت الربوع
والسنه بـا ايامهـا وشهورهـا
دنيةٍ فيها السنه مثـل السبـوع
والليـال الله يزيـل شـرورهـا
من طلوعٍ في نزولٍ فـي طلـوع
والحبارى تصيد فيـه صقورهـا
كم عزيزٍ قبل تهتف لـه جمـوع
ذاق من جـور الليالـي جورهـا
وكم ذليلٍ بعد فقر وبعـد جـوع
انوهب من خيرهـا وقصورهـا
ما احسدهم دام لي قلـبٍ قنـوع
مبتلش فـي حالتـي وأمورهـا
والحزن ماهو بشـرطٍ بالدمـوع
الرجـال دموعهـا بصـدورهـا
سجدةٍ في ظلمة الليـل وركـوع
ماتساويهـا الحيـاه ونـورهـا
لـ /
سطــــام بنـــــــدر
|