انا يوم دجت بديرة الصلب والصمـان
لقيـت الديـار وذكرتنـي معالمـهـا
ديارٍ منول قشعهـا يكسـي الريضـان
كلتهـا الدهـور وحفرتهـا سمايمـهـا
وطلبت الكريم اللي ليا اراد شئٍ كـان
يغيث البلاد وديـرة الشـرع يرحمهـا
يغيث البـلاد بعطفـه منـزل القـرآن
إلـهٍ خلـق خلقـه ولاهـوب يظلمهـا
من ابها ليا حد السعـودي مـع عمـان
تتـالا مزونـه ليـن يحيـي هشايمهـا
تفرج على اهل الطرش من مدة الرحمن
وهل البل ليا شبعت تحـذف مطاعمهـا
وشفنا عشايرها تقدم علـى الحشـوان
تراوز رحـولٍ راعـي البـل يقدمهـا
ليا بدلـو فـي منـزلٍ علـه الـودان
ماغير ام سالـم فيـه تسمـع تزجمهـا
وعليه المزون الممطرة جالهـا هتـان
وريح الخزاما في المطر عـام عايمهـا
ذعاذع هواه اغلى من المسك والريحان
تمتع به نفوسٍ غـلا البـر فـي دمهـا
وزانت نواة العشب واستانس الزعـلان
ونـاسٍ تحـب البـر مانيـب لايمهـا
=================================
لله درك ثم لله درك ثم لله درك ثم لله درك
ذكرتنا ديره غاليه وايام ماتنسى
|