:
:


الكنز الحقيقي .. !!

(( مصادفه غريبه عجيبه )) اللي جمعتني به ..
اخر مره قابلته فيها وهو يقدم (( معروض نقل )) لمدينة اخرى ..
كان ذلك (( حول شهر شعبان ))
واذكر انه يميل (( الى من اثقل الدين كاهله )) من الناس فقراً ..
وجدتة مختلف تماماً لابس (( بشت الشيوخ ))
ومعه (( طير ملكي ملكي )) ماهو أي طير .. !!
وحاله ليست حاله الاولى ..!!
قلت : السالفه (( ماتجي )) بهالسرعه ..
قادني فضولي وقلت له : وش غير احوالك اذكرك فقير معدم .. !!
ابتسم وقال : (( الله يرحم مزنه )) ابشرك الأمور تغيرت ..
وانفتحت لي ابواب الرزق وكني هالحين (( على كيس الطبيشي ))
اكياس المال املاها (( وليا امتلا بطنه احذفه على ابوه )) اللي قبله .. !!
قلت : كيف .. ؟؟
قال : قصتي (( قصه ودرس )) ..
قلت : هات القصه .. !!
قال : انت تخبرني كنت من (( الشباب الطايشيني )) وعايش (( على الفاضي ))
على نظام داجين (( عريبيا )) ..
يومي مثل منت خابر (( سيه وحسنه )) سوا ..
فيدي فيه اردى من (( فيد غليص )) ..
واذا فكرت في حالي جاوبت مثل اجابة (( مفسر الماء )) بعد الجهد بالماء ..
كنت ضايع وكان هذا (( العيب .. والعيب الأخر )) عدم بحثي عن مخرج .. !!
كأن العيب هذا حابسني حبس (( الكماشه )) .. !!
اللي انت بحبسها ترى كل شي لكنك لاتصنع شي ..
مليت من هذا الحال ومره من المرات سألت نفسي سؤال صادق :
(( ويش الحل .. ؟؟ )) والى متى ابقى تايه .. ؟؟
اسمع (( ياباغي الخير اقبل )) ولا اقبل .. !!
اعلم ان هناك (( عشرة مفاتيح للتوبه )) ولا استخدم مفتاح واحد منها .. !!
قلت كيف مايكون لي (( مع الدكتور والبحار والطيار والفلاح )) حصة انتاج .. !!
وش ناقصني .. ؟؟
كان الشيطان يقول لي : هذا (( طموح مستحيل ))
ايقنت ان الدنيا (( بنت تحط الناس في الحفره وهم عشاقها ))
فقلت اعطيها حقها واخذ حقي منها واحذر لصلاح ديني ودنياي .. !!
لذا قلت لحياتي الاولى انتي (( طالق .. بالثلاث )) من هذه اللحظة ..
وهذا (( عرقٍ عسى الخلاق يقطع نموه )) .. !!
اطفأت (( نار الحسد )) .. لأنها تأكل الأخضر واليابس .. !!
ورسمت (( خارطة الطريق )) الجديد ..
بـ (( شرط )) ان تكون (( واضحه يعني جليه )) حتى لاترتبك خطواتي .. !!
حسبت خطواتي جيداً بحيث لم اخطئ في (( تقديم ماحقه التأخير )) ..
كان فالأمر (( خيره )) كسبت مجموعة من (( اعوان الدهر ))
نسيت (( سموم العقارب والثعابين والحيات )) اللتي كنت اعيش وسطها .. !!
واصبح هذا الطريق (( فيه واحد نفر مافيه ثلاثه )) لأني هجرت ابليس وصديق السوء ..
وفقني الله الى (( موقع جميل قد يفيدك ويسعدك )) لكنه لن يضرك .. !!
واغتنيت فيه بحياه سعيدة .. !!
قلت له : (( يافزعة الله كيف صارت )) بهالسرعه ..
اللي لودروا عنها حطوها في (( موسوعة جينس )) من سرعتها .. !!
قال : صارت (( هذا وانا )) لازلت مقصراً .. لكن هذي هي (( التجاره الرابحه ))
مكاسبها اكثر مما نبذله لها .. !!

تنبية :
كل مابين (( الأقواس )) عناوين لمواضيع (( عبدربه )) .. !!